今日上午去左睇戲,下午先返學
+2話9點鐘係青衣城m記等
係m記食完野就去買飛
今日我地睇Death Note
幾好睇啦,不過有續集...
睇到12點,之後+2就返屋企lu
原本我同利永健諗住係青衣城食野
後尾都係返左屋企食野
點半左右衰銘打左幾次電話黎
但我較左震機所以聽唔到...
之後大約1點10先出門口,上左長康買野飲
買完先慢慢行返學校,因為唔想咁早返去
不過返到去都係2點2,係藍球場見到衰銘
於是1齊上去,今日下午係524補bio
上到去牛奶佢地已經係度
我地返去都只係吹水傾計...衰銘就做中史...
原本今日話要補到4點半
後尾因為講得快所以3點半就走得...
放左學之後牛奶上左我屋企拎蠟筆小新

算啦,我已經原諒左爆秘密既人
因為我發覺最好的還是妹妹!!!
今日都係同利永健,牛奶,嘉琪去左m記
之後返學,因為今日2班1齊補phys
所以今日上左524,上到去...
吹左1陣水,咁就小息啦,同琴日1樣...
搭3就放,之後落左4樓搵+2,個衰妹又唔采我...
之後返上去,sun sir已經講緊書...
但望望個鐘,仆街啦,搭5都未到...
之後就訓覺,訓到11點半左右
跟住起身傾計,sun sir教到搭10就教完
但又唔俾我地走,佢話唔准早放
要12點先可以走,但我想同佢講
補課時間係去到12點半,我地12點走已經算係早走架啦...
之後就返左屋企休息,下午補TT
唔係好想返,返到去冇人返,佢地2點9先返到...
之後3點半就放學lu

今日要返學補課啦,煩
唔係好想返,暑假咁就短左2個星期
不過諗諗下係屋企都係冇野做架啦
所以返學玩下啦...今日9點返去
所以約左+2去m記食野
去到個時見到牛奶,真係岩...
食完就走,返到學校即刻俾miss ip捉...
之後上左phys lab,但sun sir未到
於是去左我地既未來班房度涼冷氣
學校真係浪費,冇人用,但又要開冷氣...
冇幾耐sun sir黎到,不過今日勁少人返...
補補下冇啦啦見到利永健?!
原本補到10點半有半粒鐘時間休息
點知sun sir補到搭3就夜小息,仲要只係15mins
10點就完...無奈...小息期間同衰銘傾電話
不過因為小息短左,所以早左半粒鐘放
即係12點放,所以算係有賺架啦
之後同+2,利永健,牛奶,等埋衰銘落左青衣城食野
去左KFC食桶餐,每人盛惠$20
結果牛奶同+2食飯,我同利永健食薯蓉
可憐既衰銘就食粟米...食完就行百佳
之後就行返學校,下午我地補bio
衰銘呢個文科生居然上左黎
而+2呢個留級生亦上左黎...哈哈
而我同牛奶,利永健就訓覺
之後3點半就走得,走個時好唔開心
因為...秘密公開了

好耐冇飲過茶lu~
今日同屋企人去左葵芳飲茶
傾我阿姨既終身大事
之後返左屋企坐左陣就同阿媽出左荃灣買書
買完就返屋企lu

今日原本諗住6點9起身
7點半左右出門口
點知訓過龍,7點4先起身...
於是拿拿臨刷牙...搭9先出門口
去到都只係8點4,勁怏
Sunny話著番TAMWOOD件衫
不過只有我,Sunny同Janet著左
Janey同Wesley冇著...我地係旺角等
係客務中心等Janey之後上左e出口搵Sunny
之後Janet都黎左,之後就去左金雞度等車
9點5上車,Sunny話半粒鐘到
點知個司機唔撚識路...結果成11點先到
所以我地唔洗俾$260,只係俾$220就得啦
之後換衫,拎裝備等,整好哂就去玩lu~
玩到大約點幾就返去休息等食lunch
2點先食,食個陣,d烏繩係咁飛...都唔知點食
食完再玩過,玩到太約3點9就返去lu
係個度休息到5點半先上車,Janet原本話陪我食飯
點知佢又要陪仔,而咁岩Janey又話要行街
所以就陪左佢去行街,Janet係元朗落
我地係旺角落,得我同Janey行街
係朗豪坊,女仔真係瘋狂,係買野方面...
不過佢有排都唔會再黎香港,我都唔會怪佢...
買完就去左大家樂食野,食完野差唔多9點
帶Janey去地鐵站,之後我就走啦
今日1別...唔知幾時先再有機會再見lu...
我搭44返屋企,返到去大約10點左右