今日7點9就走人,約左利永健返學
但我地決定係m記食完早餐先返去
結果成8點10先簽到,之後都係上左229睇下
跟住就去524啦,補到10點9又有半個鐘休息
休息到11點3,所以都係落左m記,今次連琪媽都去埋
食完就返524繼續,12:05走人,咁就用195分鐘啦
之後+2同利永健上左黎,我地1點半要返去,所以坐到1點2就走
岩岩好1點半返去,等埋屎忽恆就上番去啦,補到3點9就走人
又係用左195分鐘,之後返屋企沖涼去飲,5點半出門口
6點4去到朗豪坊行下,見到Keroro,影低佢先~
之後就去飲啦,7點幾上到去,後尾因為冇野做所以落左去行
7點8先返上去,坐到成9點先開始食野,飲到11點先返...
*幾時先過2星期呀...計埋今日都係過左4日咋...

今日開始由9點開始補bio,補到4點
聽到都覺得恐怖,因為平時返學唔係淨係上1科
但今日上午至下午都係補個科...救命呀...
9點鐘返到去,上左524,同+2,利永健坐
後尾先發覺原來牛奶都係度...之後就開始補
補到10點3就休息,休息到10點9...成半個鐘
於是我地去左m記食野,食完野先返去,之後補到12點
陳其香話原本1日教1課,但今日窗哂啦,所以下午唔洗返
原本諗住唔返架,後尾諗諗下反正冇野做,所以決定lunch之後上229溫書...
我同利永健先返我屋企,坐左陣,12點9就走人,落左偉記買野食
1路行1路食,返到去1:10,之後同琪媽傾下計咁,咁就4:05
之後走人...仆街,落到去簽名個時只係4:05,差5分鐘先夠3個鐘...頂...
之後同琪媽返屋企,返到去先知道原來補bio都可以當個廿個鐘
咁我聽日唔會再咁蠢架啦...

又到星期日啦,今日訓到12點先起身
點幾鐘同阿媽落左樓下餐廳食野
好似好耐冇落過去咁...之後行去表衣城行街
係運動家買左對converse,3點幾就返屋企lu
而家好想快d過左呢個星期,因為想出機ma

琴晚訓唔著呀...fuck...
可能因為開心掛,因為今日換機
朝早11點9出旺角搵位飲茶,後尾飲到2點左右
就落左數碼通出機,可惜N80得銀機冇黑機
佢話要訂...當時個心有d猶疑,出唔出銀機好呢?!
後尾諗諗下,出銀機去3出唔好?洗乜去數碼通出啫
我去數碼通出除左因為平仲因為有黑機ma
加上反正都等左咁耐...都唔差在等多個幾禮拜丫
佢話最遲2個禮拜有ma,即係岩岩好走之前個日
所以我決定落$300訂,訂黑機,最遲2星期有既話...
即係29號囉我諗...之後就上左新世紀度行左陣
見到有百老匯,於是入到睇下,見到勁多道士...
勁似臨記...但又好似唔似,唔通少林寺去旅行?!
係百老匯搵下睇下見唔見黑機,問個售貨員,佢話有
仲要得少量存貨...佢拎左部樣板俾我玩,勁正...
mon靚,手感好,重量ok,大細適中...可惜...$5280...
如果係$3980都仲諗下既...而家我係數碼通買都係$3680咋ma
拎埋部E1000換,減多$770,等2個星期供少好多架...
不過好心痕...唯有等啦,之後搭車返屋企,係屋企訓左陣
之後就出左葵芳食野,食完野我仲走去葵芳間數碼通問
結果都係冇現貨...要等,之後就返屋企

係屋企無所事事,都唔知做咩好
原本諗住今日真係去整快譯通
後尾又係因為個懶字...所以決定星期一先