今日因為落雨所以唔洗排隊,謝佩慈又勁遲先上黎~
點完名之後就去phys lab,做個全方位匯報既準備
事實上我地只係傾計,咩都冇做,到9點3就落電腦室執執個powerpoint
牛奶走去問miss ho野,點知miss ho話佢冇禮貌要佢係門口罰企...
做到10點鐘就返phys lab準備,跟住大約10點開始匯報
由A1開始,之後係A2咁去,我地係D2,所以係最遲,亦係錯漏百出既
嘉琪冇啦啦講多個月環蝕...講完半影月蝕唔夠2頁powerpoint又講多次半影月蝕...
歐揚薇個組A2,簡直係有辱巴士...41A太空船= =咁都作得出
匯報完之後冇幾耐就放學,我同牛奶去左M記...等+2同利永健
之後去左冬姑亭,但牛奶就冇去,返左屋企,食完之後就去左涌美買煙
之後返屋企,利永健SD左幅相過黎,我加工左之後真係生色不少
之後太約3點就去左後樓梯煲煙,煲煲下看更巡樓...好彩佢睇唔到我煲煙
之後+2同利永健走左,我就返屋企訓覺,訓完覺見到歐揚薇搵我
仲諗住佢搵我做乜,原來係要我del左幅相...采佢都傻
不過後尾因為利永健所以最後都係張幅相收改...
夜晚阿媽叫我幫佢滴眼藥水,我先記得阿媽今日包住隻眼返黎...

今日係屋企玩自閉,冇出過街= =

今日去千色店個時見到miss張
佢都見到我,走個時仲同我講88
著得幾靚丫...

今日係24/3/2006,係阿廷走既日子,個衰仔又話朝早叫醒我,點知係我打俾佢...
今日因為落雨所以唔洗排隊,但都照捉人,好彩+2提我行前梯
1返到黎歐揚薇已經搵我...返到去見到利永健,佢叫我打俾+2媽媽買飯
所以親禿頭霖唔係到拿拿臨打電話,到時都有藉口冇買到佢個飯
頭2堂係中文,小組討論,好彩冇我份,個禿頭霖係咁講廢話,所我爆左句
挑,講廢話,呢句野好似俾歐揚薇聽到,反正冇野做,所以我善用時間,訓覺
之後小息,死禿頭霖當我玩斷背...係咁講我愛你...搞到因為同麥樂敏望住我...
之後maths同bio,都係發下夢,做下功課,之後又到小息,禿頭霖問我地琴日係咪去左打邊爐
好心佢唔好再咁厚面皮啦,之後我見到已經冇哂神氣咁趴左係度,抵死
之後phys,頭個堂講書,之後個堂講番全方位d野,而我就同燒賣傾計,仲借左電話俾佢打俾鳳鳳
lunch既時候落勁大雨...唔到lunch都唔落雨...係樓梯個度等+2媽媽,冇幾耐見到利永健
佢話霖叫佢去冬姑亭食,叫佢自己去啦...冇幾耐廷打俾+2,結果+2媽媽落左去接佢
食食下飯就見到佢地2個返黎啦,戴住副超返黎,+2媽媽話佢似盲人
返到黎廷就去左校務處問可以可以返課室啦,之後1打鐘就返左上去,係上面傾下計,影下相
突然衰銘打俾+2叫佢落去開口,哈哈,之後貓王都黎埋,我地係咁影相,唯獨禿頭霖想同廷影,但廷唔肯
影到打鐘,都仲有同要影,可惜廷走左lu,而肥兜居然喊左出黎...lunch之後係3堂TT
阿廷冇啦啦打黎,搞到我電話響...1定係燒賣唔覺意取消左震機...好彩係TT堂咋...
同牛奶睇下相,衰銘睇睇下拎左俾歐揚薇睇...佢del左佢同蔡樂敏幅相...
之後見冇咩做就同衰銘訓覺,得牛奶係度玩...放學lu,行行下先記得影相係牛奶度...
於是拿拿臨問佢拎番,返到屋企坐左陣,歐揚薇叫我俾相佢,見到佢msn有幅男仔相...
之後佢話悶,問佢做緊咩,佢居然話同男朋友傾緊計...心碎了
算吧,呢d野遲d再算,之後出左葵芳搵+2食野,1路食野1路搵廷,無奈有時搵到有時搵唔到
當搵到既時候,廷居然話唔洗送...之後就再搵唔到佢,結果我同+2唯有無奈咁行街
行到9點2諗住搭車返長發,點知廷又冇啦啦打黎問我地去到邊
於是我地拿拿臨去巴士站挵A31,但太耐1班車,所以我地搭地鐵轉東涌線,再係東涌轉巴士
因為太趕啦,所以我都唔記得搭咩巴士...淨係知道由葵芳去機場最快居然係8至9個字就到...
之後由A跑到去J,跑去到我知先廷係E,頂...臨走都要害我,而我同+2係最後見阿廷既人...
我同佢都眼濕濕咁走,臨走前+2話坐坐先,好彩+2話坐坐,因為阿廷冇幾耐又搵我地...
而牛奶同+2媽媽算係好彩,因為佢地都可以同阿廷講埋最後個2句,之後去埋廁所
同阿廷影埋相就真係走啦...個時都10點9,搭E32返長發,返到長發大約11點9
係+2屋企坐左陣就搭HT3601@44返屋企LU~返到去1點左右

DON'T FORGET 24/3/2006,呢日係我地3兄弟姊妹暫時分開既日子
DON'T FORGET 24/3/2006,呢日係我地3兄弟姊妹勾手指尾遵守承諾既日子
DON'T FORGET 24/3/2006,呢日係我知道真相背後的真相既日子
期待既係聖誕節重逢既1日

今日係全方位學習日,期待左呢日好耐,因為唔洗坐係學校個自閉位...
今日7點9起身,冇幾耐禿頭霖打黎,不過冇聽,之後阿廷搵我話同我地1齊去
所以我等埋佢先1齊出門口行去青衣城M記,去到個時牛奶,嘉琪同蔡頭已經係度
之後去買野食,食食下禿頭霖又打黎,不過都係冇聽,之後佢又打俾廷同牛奶
廷叫葉子豪扮打錯,而牛奶就呃佢係美孚,食完野就走,不過我驚會見到禿頭霖
點知入完8達通真係見到...屌...唯有1齊去,搭搭下車我地先記得唔見左蔡頭...
去到岩岩去9點9...等左15分鐘先入到去,因為太空館係10點鐘開
入到去就同牛奶佢地走圍行下,跟住見到+2係到玩太空漫步,哈哈
之後上左上面搵資料,搵完就係度行行企企,同人傾下計,玩下
之後大約12點就去排隊睇電影,套戲無聊到爆,不過答問題個時就幾好玩
嘉琪個岩既答案俾我改左做錯...哈哈,睇完之後點名,影相,之後就走得
本來諗住同牛奶,+2同利永健去旺角買野,點知禿頭霖勁唔知醜咁跟住黎
之後兜下兜下我同+2,牛奶就走得甩,可憐既行永健就走唔甩,結果佢唯有返屋企
去到旺角之後就行朗豪坊,行完就去左大家樂食野,之後去左潮流特區,買左隻手鐲俾阿廷
再買左個銀包俾佢,買完之後就同+2搭車返屋企,之後係屋企坐到6點9左右就同阿廷過長發打邊爐
搭life個陣禿頭霖又sd左個sms俾我...我都費是理佢...去到個時牛奶已經係度...
之後冇幾耐邦邦都黎到,等左陣衰銘同升升都黎左,之後周嘉都黎埋,之後就上去開檯
10個人,冇幾耐+2同阿強都黎到,司徒就話要遲D先黎到,之後開始食啦,冇幾耐司徒都黎埋
食食下就開始猜拳飲酒,衰銘同牛奶塊面都紅哂,而我地都同阿廷乾杯祝佢,食完之後就影相
之後就去左+2屋企擺低d野,阿廷順便見下+2媽媽,之後行左過去灝景灣又行番過去長發
係長發吹吹下水就見到+2媽媽,吹到12點半就行番屋企,成點半先訓...