琴夜訓覺夢見歐揚薇同某人1齊...嚇到我即刻訓唔著
個夢1定唔可以實現
頭2堂bio,之後eng,真係好正~
之後2堂pe,個黃sir冇返,所以上左524,個度有4班,4A,4B,4C同3D
之後lunch,lunch返到黎個時阿廷玩歐揚薇個結他
到佢返黎個時知道左,即刻反阿廷張檯
不過唔知點解佢冇啦啦係我同司徒講緊電話個時係咁踢我隻腳
之後仲反左我張檯...真係好無奈,可以佢以為係我有份玩啦...fuck
執好左張檯之後冇幾耐見到miss張係門口,所以我嗌佢
嗌完之後歐揚薇又唔知發咩神經又反我張檯...有人話佢呷醋= =
執好之後岩岩好上堂,諗住同佢講句fuck u
點知講完之後我見到佢眼濕濕,可能佢想喊
當我見到之後我想講sorry已經黎唔切啦...佢又反檯...
lunch之後係2堂budd,不過第2堂入左hall睇ICAC個反貪污互動劇場
幾好笑啦,不過+2俾人捉左出去玩,而且係屈出去既...
之後西史馮都俾人屈左出去...仲要戴假髮扮女人...
睇完之後未夠鐘放學,所以返左上課室,冇幾耐就打鐘啦~
早知叫司徒早d黎啦,林鴻升又走左...之後落去搵司徒,又等左陣周嘉
等完之後去左餐廳食野,食完就返屋企lu

今日1返到去歐揚薇已經嗌我啦
頭2堂係中文,到我口頭閱讀報告啦...
好求其咁講左本中國文化常識
之後2phys,上到大約搭2左右落左去書展
仲以為有d咩睇,點知仲少過上年...
之後2堂bio,又係上到大約搭5落左去書展
今次落去係傾計既...之後lunch
同阿霖阿廷同牛奶去左涌美買車仔麵,買之前煲左飛煙
之後3堂TT,黃嘉琪冇走到...結果坐唔到歐揚薇後面
只係坐係曾美欣個位,雖然坐開左,但奇怪既係
曾美欣咁大個筆袋都唔問佢借筆問我借~真係開心
上上到佢想同戴興彥調位,但戴興彥唔肯
之後吳華偉去廁所既時候佢即刻走左過黎~
哈哈~佢坐係我隔離呀~好開心呀~
我又同佢玩下啦~不過佢又畫我隻手啦~
不過唔緊要~不過最衰就係佢同莫嘉豪玩得咁埋~好嬲呀~
放學之後同阿霖阿廷搵司徒,不過行行下唔見左阿廷...
冇幾耐阿霖都走埋...得番我同司徒,吹水吹到4點9左右就走lu~

今日係情人節,對我呢d單身人士黎講...只係1日平凡既日子
唔同既係今日會有人派朱古力...
今日因為落雨所以唔洗排隊,頭2堂係maths
小息既時候,歐揚薇問我拎朱古力,可惜我冇...之後係2堂eng
第2個小息既時候我食緊粒糖,可能因為咁,歐揚薇以為我有朱古力...
佢又問我拎,但我都係冇...小息之後係chem
lunch因為落雨所以同阿霖阿廷係學校食
上到去,1見到歐揚薇佢又問我拎野食,不過今日唔係朱古力而係香口膠
因為我有所以我俾左粒佢,佢居然遞粒糖俾我之後同我講
我地交換啦~哈哈~好開心呀~佢俾糖我食呀>v<
之後budd,再之後係中文,落左去影班相,條友有少少似阿文~
影完之後就上返去繼續上堂,放學既時間陳其香上黎講廢話講左好耐...
之後諗住走,點知林鴻升同文曉龍夾住阿霖唔俾佢走
好彩我醒目推開林鴻升拉阿霖走,點知阿霖同林鴻升開拖...
最後當然係林鴻升冇癮咁走啦~放學既時候我又同佢玩啦~
之後去左涌美煲煙,之後返到屋企搵司徒

今日原本話10點出葵芳飲茶,點知遲左起身
不過最後都係有去飲,飲完就係葵芳行左陣,之後返屋企
岩岩做唐伯虎點秋香,睇睇下阿廷打黎
叫我陪佢去整電話,我話睇完先去,睇完之後食埋D野先打俾佢
之後樓下等佢,搭44,上左車先知道個地址係登打士街...
早知搭41A啦...之後我地係旺角道落,行去笠打士街
行到去上到去...收左工...之後睇睇個保用證既工作時間
收工時間係4點...我地個時已經5點...fuck,之後去左潮流特區行左陣
行完就再行番去旺中同先達行左陣,之後就搭44返屋企
上左車冇幾耐就訓覺lu~返到去阿廷去左我屋企借E1000

今日都唔知食左d乜...phys個時個肚勁唔舒服...
到lunch既時候去左冬菇亭食野,食之前係廁所劏左1獲...
食左幾啖就唔想再食lu~食完之後又劏...
原來諗住早走,點知諗諗下1陣有TT堂,所以唔走lu~
不過個時都冇乜野,只係係上堂個時劏左1次
不過個個都係趁我病攞我命...牛奶居然係個時先拎朱古力食...
歐揚薇又畫我隻手...不過佢都有安慰我既
係咁叫我唔好訓啦,傾計啦~仲問候我:你應該冇事架啦^0^
放學等+2個衰妹等左好耐...好彩佢陪我返屋企
如果唔係都唔知點算~返到屋企即刻擺祗d野劏多次~
之後落左去睇醫生...醫生話我感冒菌入胃...仲要我打針...救命...