今日我同阿霖去穿耳,原本話去葵芳穿既
點知冇啦啦改旺角,仲要約定時間...我都知有d野架啦
我1路行1路諗會唔會阿霖條女黎左,去到...真係...
又唔見估第2樣野中...之後我地搭地鐵落旺中
穿耳+耳水$20,穿幼針,仲以為好痛tim
點知釘落去個下只係少少痛,之後都有痛,但都唔係好痛
釘完之後阿霖條女走左,於是我同阿霖即刻煲煙
1路煲1路行去聯合陪佢買褲,買完就過匯豐拎LC
拎完就搭地鐵過金鐘買模型,幾多人排隊下
有個男人買左千6蚊...成十架...痴線架...
而我就買左4架,$560,包括:5070,DA86,DM30同133
而家心郁郁想買埋808同T1...
買完就過葵芳買碟玩,買完就去換番枝耳針返屋企
返到屋企D碟玩唔到...於是食完飯落左葵芳換...
落葵芳之前呃左阿筠1d野...之後去葵芳,到最尾只得2隻玩到...

*而家自己換唔到耳環呀><

今日係赤口,但都有人入屯門拜年
而我係屋企就冇人管,成包煙攏係檯面~
2點幾左右+2上左黎,之後3點半出左荃灣
+2買左隻耳環,搞到我而家想穿耳...
行到5點幾就入屯門lu

今日都係坐舅父車入屯門~
係屯門食開年飯,食完就即刻洗頭啦...
之後到夜晚就同健哥走,我問佢拎左飛紅萬~
可惜煲煙一半就要上車...
之後過左長發搵+2出糧,係+2屋企坐到11點就落去搵阿強
跟住買糖水去後樓梯食,冇幾耐雞眼大都黎左~
傾左一陣就返屋企lu~

坐坐下訓著既我冇幾耐冇啦啦俾人叫醒
原來係阿爸阿媽,佢吩咐我做野~
冇幾耐阿爸仲俾左$500我過肥年~
之前我繼續訓,訓到9點幾起身換衫等舅父電話
之後大約10點落去等舅父,冇幾耐舅父就黎啦~
入到屯門食完飯又訓左陣,到起身個時就要入沙田
入到去原本諗住行街,點知冇時間...
結果搭的士上叔婆屋企,大約7點又坐的士去美林食飯
食完飯就諗住搭46X去到城隧轉車,點知...46X架架都爆...
於是我地搭283去市中心轉49X
雖然冇位坐,但都好過冇得上車...
返到屋企繼續打機

好地地又會無啦啦落雨...
今日真係約到阿霖係開工前煲煙啦
之後見到+2,佢叫我地開工,又要搬野...
阿廷今日話好攰唔返...
因為d花琴日包哂,所以今日開始賣花原本我同阿霖係後場賣
點知前場唔夠人,所以阿霖走左,得我同+2
冇幾耐+2又走左去花店,得番我一個...
好彩之後有個靚女陪我~之後到lunch,又係叉雞飯
下午阿霖終於過番黎後場啦
原來佢搬過幾次吉,仲有利是收,1共$40
我都想搬呀...點知真係如願以償
幫個阿伯搬去街市,但冇利是...
之後返到黎又要再搬,今日終於有$20利是啦...
但...個個男人個仔勁似周嘉,又有少少長頭髮,又似司徒
身高又同佢地差唔多,真係好想問:你地合左體?
之後返去街市,冇幾耐就過花城食團年飯
食完飯返屋企沖涼洗頭再同阿廷出黎
大約做到12點半就收工lu~不過其實9點到收工個陣時間
我地有d呃人工,因為冇做過野...
之後上左+2屋企,去佢後樓梯煲煙,之後落左去買宵夜
食完就返佢屋企訓覺,之後大約6點半阿廷叫醒我走
但個時小巴未開,所以阿廷應該聽我講:訓多陣先走...
返到屋企坐坐下訓著左...