|
我諗由呢一刻開始...
已經冇咩可以值得我信任同埋依靠la...
愛情...友情...親情...係呢三樣入面.....
以前係我最嚮往嫁...以家係我最厭惡既...
愛情...
一直以黎....我都認為愛情係最甜蜜、最快樂既...
但係事與願違...最追求...亦都追求不來...
既然呢一個根本唔係我想追求既愛情...
我寧願"愛情"..呢兩個字..唔好再係我面前出現。
友情...
有好多人都問過我...如果愛情同友情你會揀邊樣
我一定會好肯定咁答佢緊係"友情"...因為我知道友情係長久嫁...
由五年級起(小學識我既就知道)..我就俾人地出賣..
但係我都冇放棄過對友情既肯定...我記得好似中一既時侯..
我地班既男仔講過"你知唔知朋友要黎做咩呀??朋友係要黎出賣嫁.."
係個陣時我好激動咁同佢地講緊係"唔係la"...
但係以家我可以好失望既話"或者你都講得岩既"
親情....
我諗呢一樣...應該係我一早放棄左既野...
如果係同一屋簷下..都抱住一個互不信任既態度..
我諗我同你應該要同對方重新評估一下...
雖然我係你個肚出黎...但係你心目中只有兩個阿哥ja~
我想你俾多一dd既位置我都唔得...
如果係咁..我寧願你對我不楸不采..
亦都唔好係人地面前詆毀我既人格..
我記得有一次...
你唔見野..第一個就懷疑我...呢樣野都算la...
事實仲未查出.你點可以同其他人講係我做嫁...
好采有我阿爸信我咋...好采有阿爸幫我清澄....
等其他人冇俾你誤導...我真係要好多謝爸爸...
係好細個既時候...成日都覺得愛情..友情...親情..
三樣我一定會好容易得到..但係以家先知道..
呢三樣野..得到一樣已經好幸福嫁la~
如果有人問我..愛情..友情...親情你會點排呀??
我會話..呢三樣野..我曾經得過亦失過..
如果你要我排..我諗我淨係識咁排
自己-->自己-->同埋自己
係到希望所有人都會珍惜佢以家既野la...
而我...已經唔敢奢望d咩la...只希望自己身體健康就算la..
因為我唔想得完..就要失la...
| 
