好傷心的一天

　　楊皓瑜報我串，我話上堂帶手提電話

　　搞到王西收左我部手提

　　我仲要落埋去寫口供紙，搞左成十五分鐘

　　要星期一先有得拎番。

　　我去左校隊練波

　　我Ｄ左手走籃仲係超廢．．．．．．

　　我覺得自己真係手腳唔協調架！

　　練完波之後，我同龜一齊同Ｄ中二生一齊打下籃球

　　我俾條中二生串我把聲超沉

　　搞到我好懷念我係中一果把低Ｂ聲

　　之後我同龜去左置樂度睇下野咁

　　見到Ｄ記憶卡賣到咁貴，我決定左係網上度買

　　今日係家長日

　　之前王西冇俾個時間俾我去見．．．

　　我自己求其搵個時間去見

　　咁岩我係果度見到裕佢地

　　我等左一分鐘度就入左去見王西喇

　　佢話我上中文堂果陣成日訓覺︿同埋傾計

　　佢把我同曾勝智例轉左？！

　　佢連我之前坐果個位都講錯

　　佢就想串我，佢收吧啦．．．

　　中文堂－　我冇做到自學單元其中一頁

　　　　　　　　果一頁原來仲係成班一齊討論黎做

　　　　　　　　但係王西都叫我企起身

　　　　　　　　本身我都病病地，仲要企左成兩堂

　　　　　　　　搞到我勁頭暈。

　　　小息果陣，我叫左我落去搵佢，佢打電話俾我老豆

　　　王西話因為我成日唔寫手冊，所以就「成日」唔交功課

　　　又話我上中文堂果陣超嘈，我真係可以憑良心話俾自己聽

　　　我上中文堂果陣真係唔嘈囉，反而柯果Ｄ咁嘈，佢就唔去理

　　　原來王西鍾意玩本末倒置？！

　　英文堂－　中文堂果陣企左好耐，搞到超暈

　　　　　　　但係今日又要作文，我咁就頂左兩堂

　　數學堂－　同肥傑一齊研究數學之下

　　　　　　　我Ｄ數學又進步左一小步！

　　普通話堂－　上堂又睇＜小孩不笨＞

　　　　　　　　有Ｄ笑位又真係幾好笑．．．

　　打住咁多

　　琴日我打機打到五點幾先訓

　　但係今日早上又要去賣旗

　　果陣我都覺得冇乜野，仲頂得順

　　賣旗果陣真係超正，我係同肥傑一齊去賣旗

　　我一見到有小朋友經過

　　我就走過去，叫佢地幫我地買旗

　　我地見到有兩個靚女，肥傑叫我去叫佢地去買旗

　　佢地都有買到旗，好開心！

　　又有四個小學生俾我屈左佢地幫我地買旗

　　賣完旗之後，肥傑同Ｋａｕ去左我屋企度換衫去打籃球

　　我Ｄ剷籃又勁左喇，我今日過左伍軍樂

　　我遲Ｄ要令黃振同埋伍軍樂唔可以再串我係廢過佢！

　　Ｅ兩條友同我收皮啦。