今日，係考物理同埋數學

　　我一打開份問題卷果陣，我真係一臉無言

　　因為好多我都真係唔識做．．．．．．

　　而家我只可以希望自己做果Ｄ　ＭＣ會岩超多．．

　　物理都係一樣，我諗我都係讀文科好Ｄ

　　測完驗之後，我地係兩個小時之後仲要去考ＢＣＡ的ｍｏｃｋ卷

　　係果段時間，我地去左裕屋企，我買飯果陣

　　個阿姐問我食咩蒸飯，我話北菇雞飯

　　跟住佢話我而家十幾歲就要叫雞，我聽完之後呆左．．

　　考中文ＢＣＡ寫作，我作左我個偶像，即係王子呀，哈哈

　　做完ｍｏｃｋ之後，我地去左新屯度打籃球

　　我今日打得超差，射波又唔入，又唔識走位咁樣

　　所以我勁俾人罵。

　　聽日又要番學喇，而家真係覺得早放好開心！！

　　我去左測完驗之後

　　我同呀爸即刻去左沙田果度睇四叔同佢老婆去註冊

　　我係之前果日仲要冇訓覺

　　所以我覺得超級眼訓．．．．．．

　　我連行緊路果陣都好似暈暈下咁。

　　　我見到四叔成日都係度笑下笑下咁

　　之後又去左ｓｎｏｏｐｙ　ｌａｎｄ度影左Ｄ相

　　打住咁多

　　今日係考中史同埋英文

　　英文今次都唔算好難，我都識做

　　中史就幾易，勁多題目都係送分的

　　但係有一題六分題我唔夠時間做．．．．．

　　考完試就同肥傑去我屋企拎籃球，我順便換埋衫

　　之後我地一齊去新屯打籃球

　　我地見到勝智、李嘉俊同埋一班女仔

　　今日唔知做咩，我係半場推波穿針左兩次．．．．．．

　　今日Ｄ射波我都幾準下

　　我俾班女仔話我射波果陣個表情好樣衰．．．．．．

　　之前又俾人話得意，而家又俾人話樣衰

　　我都冇野好講．．．．．

　　今日要開始測驗喇

　　生物我覺得都考得幾易

　　地理就一定死硬

　　因為我有一題十分題完全冇做到

　　測完驗俾卓卓留我堂．．．．．．

　　留左成一個鐘

　　　今日去左拜山

　　　俾香果Ｄ灰勁整到隻手

　　　搞到我隻手指起左一個小水泡

　　　之後去左陪阿嫲去飲茶