再一次好久沒用QOOZA了…這次打的也是追星之旅！第一次離開香港去追喔！！
2013.05.01 05:00
老娘拖著只睡不足兩小時的疲憊身軀出門，搭N182去港澳碼頭搭06:30的船…((那車要$24,比我去機場還得貴幾毛錢！
一群11個香港人，在候船室顯得特別奇怪…其他的都是內地人，一看到可以上船的指示，立即"狗衝"上船，完全不曉得急個甚麼勁兒= =
((轉口語，打書面語太像在寫文了…
上到船本來諗住寫埋篇文，之前ECON堂寫左一半都未嘔埋佢，諗住係船度K埋佢啦…但我真係好！眼！訓！見艾肥訓，我又訓埋一份…哈哈！但落船發覺訓完重眼訓過冇訓囉…
之後一個大U TURN就到左機場(近到你丫)，去果度食M記囉= =重要個收銀係講國語，我同BON完全O嘴…
後尾先知原來呢餐係果日唯一一餐！追星果然係睇星飽！
去接機，我例牌邊話佢遲出黎邊等，但今次有得坐住等XDD
((其實呢，轉角住佢比鬼迷圍住之後，我一直認錯佢身邊果個髮型師係佢，一路FOCUS左係佢度XDD
接完見未夠鐘就去搵間CAFE坐下，順便睇下各大攝記既傑作~~~
係果度叫在杯咖啡，真心唔好飲！！((結果第日返工即刻飲返杯啡先，爽！
跟住就出發去沙灘…如果唔係因為唔夠方便同埋天氣差，我真係會去近D海癲返陣先！！
我地四個CAM MAN(我 艾肥 莉 BON)係度搵位影，神CAM詩雅同埋JUN就係後面影…
等既過程係咁搵水吹，真係悶到嘔…但好彩有班DANCER跳舞，叫做有野睇下…比我地發現有個男DANCER好鬼受！！佢UN盤骨果下真係受到無倫！！ 悶之餘仲要真係落雨囉！個個都拎遮，勁驚影唔到，又越落越大，護CAM加埋身邊既遮滴水已經搞到我體無完膚…我差唔多DAM左成個鐘遮，對手真係勁累！！
一輪"收遮聲"下個活動開始左…估唔到第一個出場表演既人就係佢！！
佢跳唱漩渦係意料中事，因為見到班DANCER綵排過…不屑今次冇忘詞喇，叻仔！ 忘了怎麼快樂同鬼迷玩得好開心~~ 地球上最浪漫的一首歌又係跳唱，但佢早唱左果下真係笑左XDD
講真，我本來預佢唱兩首，佢不屑後既間場話仲會唱多首果陣，心入面真係_左聲…頭先DAM左咁耐遮已經手累，佢仲要唱咁多，我搾機既手好累，全程雙手影，本來諗住借艾肥姐黎托住隻手，點知托左仲手震得勁！ 佢一話最後一首歌，我即刻鬆一口氣…唔知段片有冇收到我嘆氣聲XDD
呢場表演我真係睇得開心！雖然呢個衰仔完全冇望過我鏡頭，但今次真係邊拍片邊睇佢真人，而唔係淨望機但見唔到人！佢又好似好HIGH咁樣！完全爽！！ 重點係，場雨落好大，但佢出場前變分鐘突然停雨，佢退場後冇耐又落返雨！真係勁神奇！！
本來想睇埋MP先走，但因為仲要趕下場，睇完鬼演出就走人…行到出去竟然冇的士！唔係比人搭左就係一架都冇！！
後尾我同艾肥 BOWIE要行馬路睇下會唔會有的士…後面又有班都想搭的士既朋友跟我地行…我地三個行左近15分鐘終於上到的士！勁開心！幾驚要行返出市區!!!!!架車駛過跟住我地既朋友果陣，我仲同佢地SAY BYE~((超賤XDD
係手斷腳BIKE既情況下去到酒店，搵左一輪先搵到會場，係場外要遮好晒機先入得，好彩CHECK我地袋果個唔嚴，不然後援會冇相發XD
坐係我附近有幾群鬼迷，佢地帶埋牌去，鬼出場後好快見到佢地，但我地幾個冇牌係身，佢完全唔知我地係度= =佢仲成日望果幾堆人，完全爽皮囉佢地！ 成場佢最多時間就係玩謝繼聰個仔，落場而掂波皮既次數一隻手數得晒…後尾見到阿感又黎抽水囉！真係煩！
我地趕搭21:30班船…行上船既途中真係勁大風！！勁凍！！上到船累到嘔，諗住又訓嫁啦…點知訓到一半架船勁拋，係我好頂唔順既離心力！即刻成個人醒晒！果幾下真係好辛苦！好不容易先頂到落船…
走果陣又搭返182啦，但我等陣勁耐先開車，仲要好大風(同上船果陣差唔多)，帽都飛埋…
好彩眼訓得滯，返到屋企好快訓得著…唔係既話我又暈得勁好多！><
|
