今日第一堂中文，未正式上果陣我望出走廊，見到M仔果班VA，
本來諗住唔去望你(我知道你唔會見到我)，但係始終都掛住你，只見你好似特意唔望入黎咁…
結果果堂我寫左句野(上篇BLOG有打)，冇心機上堂
MUSIC 溫書…幾無聊
德育 又睇野，悶死人咩！
IS 又對作業，不過呢堂比上堂多左野笑
LUNCH IH小測，叫做溫過下，不過見到M仔同[她]坐得咁近咩就都唔記得晒，淨係識啤住你，可惜你見唔到><
MATH 都係做下WB、畫圖
電腦 教新野，佢未叫我做，我就做左先
佛學 做作業，我采佢都傻！
放學陪人買牛眼，勁貴！所以又去M記坐陣，5點就黎到我地頭—乙明，點知冇！
又各自返歸…等左一陣就見M仔ON，傾左兩句就話佢放棄左[她]，事實係咪我唔知。
佢又話：既然我都唔再哂心機係佢身上，你都唔係哂心機係我身上喇！
我梗係唔會啦~我講左一大堆道理：愛一個人係絕對唔會計較付出多少，就算冇收獲都唔緊要，起碼我能夠同自己講—— 我愛過！
可能因為我傻，傻先可以愛你成一年咁多，可幸我傻得有價值！
咁佢就冇聲出…
|
