今日諗住同倩怡去游水黎賀佢生日,點知無啦啦落雨,差D唔去得呀,去到又話清潔日,

真係好掃興呀!跟住問曉怡去唔去踩車,又唔去,就同佢and佢既屋企人去新城市,

先去飲茶再去冒險樂園,但係都唔係好開心,個細佬打左佢幾次,個阿姨又唔俾佢換野......

今日又係好悶,係我想搵曉怡果陣佢就打俾我,我地就傾chat room既野,跟住約左2點係惠康門口等,

我1354先換3,我搭(車立)果陣佢就到左,真係快~跟住就去石公繼續傾,覺得熱就去左M記,

跟住見到一隻狗係馬路呀~差D俾車車死呀,好采D司機都有良心冇車死佢,之後去乙明個park,

曉怡忽然想試下踩單車,咪試下教佢囉~佢學得好快呀,不過都仲未學識,同佢一齊好好笑嫁......

今日我同曉怡同倩怡傾電話,我地諗住開個聊天室(chat room),係度傾寫程式同搵人寫程式,

曉怡就問左好多問題,都係好實際既,不過倩怡就好唔滿意有咁多問題,仲叫佢做'問題少女',

跟住我就一面同倩怡msn話音,一面同曉怡YM,我都唔知倩怡係咪嬲曉怡,倩怡又唔想曉怡整聊天室既野,

不過我同曉怡就係yahoo搵點樣租chat room同俾錢,倩怡唔知嫁,因為驚佢會更加嬲曉怡,

我搵既同時倩怡就玩online game,根本就唔關心chat room,我覺得倩怡唔係好想搞,

佢諗個聊天室太完美,又話搵阿sir,但又唔俾佢個email我去問佢,我真係唔明呀~!

今日起身睇青出於藍,屋企冇野好食,都唔知食咩好,跟住倩怡打黎,話冇野做不過唔想出街,

可惜佢都冇法子拒絕,所以就同我同阿哥去大埔,初頭我同佢都差唔多後來我就帶頭,

佢途中成日話返屋企不過都冇理佢.我地停左好幾次都係等倩怡,我去到涼亭,佢地都係岩岩到,

佢上黎果陣無啦啦跌到,我都唔知咩,有個阿叔教我地點做,倩怡又十問九唔應,但佢又踩到車嫁啵,

回程我都係由頭帶到尾,返到屋企攰到我死~食完飯又同人嘈,真係慘呀~!

今日1130倩怡就打俾我,其實佢之前打左好幾次俾我嫁喇,不過我都訓緊,

跟住佢話有keroro既電影飛(優惠卷),我咪'拿拿林'出去囉,我連早餐都未食就出左去,

係ok買個包去食,我地等左好耐先買到,熱到飛呀,而且得1個鍾,不過有野睇都值得~

跟住同佢去'冒臉'行左一陣,就走左,呢個天都痴孖筋,返到屋企差D虛脫,

所以去ok買野飲先好少少炸,跟住去屋企放低個袋,就去佢屋企拿單車and去公園,

去博康玩轉,點知我搞到佢想嘔,我真係覺得唔好意思,咪咩到佢話事囉......

今日我12點起左身,睇左一陣機動戰事特種命運就落左床兼食粥,跟住玩電腦,

我想call倩怡果陣佢就打俾我,佢話係度包緊書同埋好攰,唔想出去,不過我地3點都係出左,

今次冇叫曉怡,因為我地全程都係踩單車,唔岩佢,又係去博康、千公同石公,今次都係見唔到佢個fd--kenny,

真係有少少失望,佢講kenny有幾靚仔,不過唔會對佢有好感......

--------------------------------------------------------------------------------------------------------------------

我尋日好似仲有野想打嫁,不過我肚痛,痛左成個鍾so冇打

今日我12點就起左身睇青出於藍,1幾2點倩怡就call我去食早餐,跟住曉怡還完就一齊去食,

之後去開心樂園玩左一陣,就去沙角同博康個park,我地一話去踩單車佢就走左......

今日一開部電腦就悶,悶,悶,好采之後call下曉怡先冇咁悶,點知佢ym又唔應人,

我想問下佢聽日同唔同我去睇keroro大電影,又叫佢call我手,又唔打-.-''

阿媽就同我去新城市啦,想食味千佢就話執位,咪去西田囉,好采有劍魚腩同三文魚,

之後就同阿媽交電話費,再去c.r,我睇中果個銀包佢又話有膠味,不過佢就鍾意同款唔同樣既,

我都冇所謂,不過佢冇粉藍色,咪要黑白色囉~......

今日好早老豆就無啦啦打黎問阿媽係邊,整醒左我,我咪係阿哥張床訓下囉,

12點睇青出於藍,跟住就玩電腦,我諗住打俾倩怡睇下幾點出去踩單車啦,

點知打左兩次都冇人聽,後尾佢打黎問我新校服有冇jacket我先知佢去買書,

大約4點幾阿媽同我過新城市食野兼買野,跟住返屋企沖涼同打日記......

今日我可以訓到1300嫁,不過一個電話就搞醒左我,跟住就訓唔返,好慘呀~!

之後就玩電腦,我想打俾倩怡果陣佢就打俾我,呢D係咪叫心0相通呢?

我地傾左一輪就call埋曉怡一齊踩單車,不過曉怡唔識踩,所以佢跑我地踩,

去左成3個park,1750先返屋企......