唔知點解 ... e 排洗好多錢 ... 可能因為又扎左呱

最用得多就係買袋買銀包 ... 之後又買左張入到用唔到 ge 點卡

之後又買左張貼到用唔著 ge 玻璃膠 ... 之後又叫公司 d 同事幫我買野

之後爸爸節食左餐 kfc

計起上黎 ... 好似買得好小 ... 用得好小

但係唔知點解 ... e+ 先係月中 ... 我份糧洗淨 $5xx ... 點捱到月尾

本來 ar 聲話 12 號請我地去打邊爐

但係因為我唔記得左要打邊爐而約左我家姐去行街 ... 所以話唔去

我話唔去 ... 佢地又話唔去住 ... 所以推到 17 號去

點知 17 號又話要開會調更 ... 所以又唔知要推到幾多號先去到

8 月以我記得有兩個人生日 ... 一個我家姐 ... 一個傻仔

送禮物俾我家姐就易 ... 幾舊水就 ok

但係就唔知送咩俾傻仔好 ... 佢搵錢又多過我好多

佢要咩自己買都得 la ... 我咁窮都唔知送咩好

希望下個月剩到錢 ... 咁 8 月就唔會咁陰公

傻仔重要講埋出口 ... 人唔到禮都要到 ... 真係俾佢吹乜漲

之後 9 月又到雯雯同爸爸生日 ... 諗起都想暈 !!!

琴日 ... 我同 ceci 傾計 ... 我話我比較鍾意返工

唔係咁鍾意係屋企 ... 佢問我點解

我話我唔知點解 e 排返到屋企都好多野諗

可能因為自己 e 排多病 ge 關係 ... 我小小野會諗到好長遠

我好驚自己如果病死左咁點算

我重未搵夠錢俾媽咪爸爸養老 ... 未做過好老婆

我重有好多野都未做 ... 真係唔捨得咁就死

之後諗諗下又會諗到佢 ... 諗佢點解對我會咁絕情

我真係無條件咁為佢做我可以做 ge 野

我亦都同佢講過 ... 關於婚姻 ge 野 ... 佢話佢會唔同地方咁同我結婚

結到我夠為止 ... 果時我真係好開 ... 真係諗住跟佢過世

但係 e+ 發覺原來全部都係假 ga lo

佢要絕情起上黎 ... 真係可以咩都唔理 ... 唔會理講過咩

有時好想問佢真正分手 ge 答案係咩

但係我真係唔敢問 ... 我好驚個答案會令我發癲

或者我真係唔識得點樣關心人 ... 唔識得咩叫溫柔體貼

所以我都教我個妹 ... 野蠻還野蠻都要識得關心

因為我知道俾仔傷 ... 真係好痛 ... 好痛

我雖然唔係第一次 ... 但係今次真係傷得好重 ... 痛得很

唔想搵野填補 ... 就唯有等個傷慢慢好 ... 我諗都需要一段長 ge 時間

所以我唔想我 d 家姐 ar 妹會試到 e 種痛 ge 滋味

但係又唔知可以點樣防範

所以攪到自己覺得好大壓力 ... 好辛苦

我同 ceci 講完 e 大堆野之後

ceci 都話 ... 佢之前過黎都有同佢條仔鬧交

成個月冇搵過對方

佢話果時 ge 佢又係成日唔想放假 ... 淨係想返工唔諗佢

佢話因為返工見到我同 ar 萍佢地

傾下講下 ... 癲下玩下就一日 ... 唔會諗咁多野

放假一個人係宿舍就會諗好多野

但係最後都係自己忍唔住講對唔住

之後又講返好多佢以前拍拖 d 野

傾傾下低 b 返黎 lu ... 之後佢就叫我得閒打俾佢傾 tim

E 排唔知做咩 ... 咁諗多病痛

早排條腰痛到不得了 ... 好返之後又到大感冒

E+ 感冒未好返又到咳 ... 真係唔知幾時先可以好返晒

成日都話想死 ... 但係到真係有病就好唔捨得屋企

今日同 CECI 佢地講有個客好好好靚仔 ... 但係居然上黎叫雞

之後低 B 就話 ... 男人十個十個都會叫雞

唔知點解 ... 我一聽到 E 句 ... 個心覺得好 UP ... 好 UP

之後我話 [ 唔知我條仔之前會唔會呢 ]

之後佢好大聲咁話我 [ 邊個你條仔 AR ... 佢已經係人地 GA LA ]

[ 重我條仔 ... 叫埋今次好 LA ]

當我聽到佢咁講 ... 我覺得個心好似 ... 好唔知點咁

我一諗到佢會對第二個女仔好 ... 個心就不由自主咁酸出黎

諗到我張雙人床自己一個訓 ... 佢張單人床訓兩個人

個心就會 UP 住 UP 住 ... 好想返轉頭捉住佢

好想佢肯返黎我身邊俾我依賴

但係當我一諗到 ... 3 月頭果陣果個自己 ... 就會好驚唔想再試多次

果陣時返工同埋對住屋企人都要笑住口

但係一到左夜晚 ... 就會變左個淚人 ... 食又食唔落

訓又訓唔著 ... 唯有不斷抖大氣 ... 不斷搵人傾

所以有時都會上去 D FORUM 到同人傾同埋睇人地失戀 D 野

黎舒緩返自己 GE 情緒

E+ 總算好返 D ... 傷口開始埋口 ... 冇之前咁痛

我昨天終於發覺 ... i 落男人同 i 落女人到 ... 係有分別的

我昨天返工冇耐 ... 小虹虹落黎換錢 ... 我用個背脊 i 落去佢到

我只係會覺得暖 ... 同埋舒服

到我放工果陣 ... 見到小強企係我 locker 即邊打機

我拎完衫之後用個背脊 i 落去佢到

唔單只覺得暖同舒服 ... 重覺得好有安全感

而且有一種懷念 GE 感覺 ... 懷念以前冷戰背對背 GE 感覺

有時候覺得單身咩都要自己撐住 ... 真係好辛苦

好想搵返個人俾自己 i 下 ... 但係真係好怕被放棄果種痛

做人真係好矛盾

前幾日 ... 唔知做咩 ... 沖完涼玩玩下電腦

條腰突然好諗痛 ... 痛到都唔知點坐好

痛到忍唔到 ... 之後訓左落床

點知訓左落床之後重更加痛 ... 果種痛 ... 真係形容唔到

不論點訓點坐都係咁痛 ... 之後我係到諗

如果我死左 ... 我間房唔知會唔會冇人敢入

諗左好多關於如果我死左之後 GE 野

之後碌碌下訓著左 ... 到左 7 點幾醒左 ... 我問媽咪

我條腰咩事咁痛 ... 媽咪話可能姨媽到都有關

又話我 ... 可能之前身體補得唔好 ... 所以攪到 E+ 身子好差

之後叫我貼左兩塊唔知咩貼先再訓 ... 訓醒之後又冇咩事

但係點頭條腰都會痛 ... 之後我就叫媽咪陪我睇 E 生

我咁大個女 ... 第一次睇全科 E 生

而且條腰都係第一次痛咁犀利

真係希望唔好再有下次 ... 因為真係好辛苦