終於要進入人生嘅另一個階段啦！

今年係我小學生涯最後嘅一年

畢業禮入邊，我地最後一個表演項目係我地班級大合唱

然後就同老師大合照，跟住就自由搵人影相。

當我企係台上面個一刻，我真係以為我唔會喊，而個一刻我亦都真係無想喊嘅感覺

但係，當大合照影完，落左台，我同班朋友行左去台後面傾計

我望住我班朋友，講真！我腦入邊真係浮現返晒我地以往嘅回憶，突然個鼻一酸，就喊左出黎(當然唔係出聲個D啦)

我地個個都知道，安慰只會另對方更難止住情緒，所以我好快係安靜嘅環境下回復心情。

感覺不捨嘅，何止係我地，我地嘅班主任，係畢業禮綵排期間，亦為左我地即將嘅離開而喊過幾次

佢對我地嘅關心無任何一個同學體會唔到，我地好唔捨得我地嘅班主任，所以係自由時間，我地當然係捉住我地D老師影相啦！！

雖然時間好快就過，但係正所謂離開係為左重聚，我地會更加努力投入中學嘅生活，希望各位事事順利、一帆風順啦！