年初二開年，來年祝各位身體健康；日日開心如意；福運齊來孫仔；孫女在此祝大家：新年快樂，身體健康

又到年尾；忙碌的一天又開始了《蒸糕》舊年我蒸咗《70》底蘿蔔，芋頭糕，成條材都食到我做既，大家開心.........有過年的氣分今年要凑孫蒸少咗一半：一樣開心.........希望我可以有健康的身體魄力都會蒸糕

用自家曬既臘肉和山水同時用材火蒸出嚟既糕真係别不同，連自己要嬌傲了，好食到不知怎麽說

今次用咗12斤臘肉，3斤蝦皮，3斤臘腸，40斤羅蔔，3斤芋頭，11斤粘米粉，《生粉，粟粉》配伴共蒸咗20底細22底大

早前買咗個方包模具，要調教粉的份量都要調3次才可以，做到完滿既方包：我調教既份量係好軟熟放2至3天放入焗爐回焗幾分鐘都╴樣咁好食

材料：1】高筋粉230克   2】糖20克   3】酵母5克   4】鹽3克   5】蛋一只   5】奶粉15克   6】老種85克   7】水100克   8】油20克

製作：將1至7材料一起拌匀大約10分鐘之後加入8一齊拌勻成滑麵將佢滾圓放予大碗中蓋上保鲜紙發酵1小時大至2倍之後放氣分成3份跟住搓至滾圓靜置10分鐘之後再搓平搓成半長型再醒粉10鐘跟着再壓平倆邊對摺之後再前後對摺壓平再捲摺就放入模具發酵1小時有8成满就蓋上模具蓋再潑酵10分鐘，用200度上下火焗35分鐘  （焗爐要預熱10分鐘)焗完立刻甩模具

搓好麵糰用1小時發酵

發酵1小時後大2倍

醒粉10分鐘2次

放入模具入發烤箱發酵1小時至8分满

1小時後可蓋上模蓋等10鐘此時焗爐預熱

完成！

已經好一段時間無做的：《水果棕》昨天好想食，就動手做：牛奶蕉，糯米＼媚豆／新鮮椰子就做咗20幾嚟满足下自己.........蒸好就食咗4隻..........太利害啦。大家有興趣可做吓，簡單易做好吃【我自已覺得】種不是係有肉才好吃的

材料：糯米1斤   媚豆米斤〔先浸4-5小時〕椰子一個《枹絲》  鹽10克  糖100克  蕉葉《大約》 咸水草一扎

製作：首先將咸水草和蕉葉浸水跟水滚就灼透佢，糯米和媚豆格乾水之後將所有拌至均勻，裹時在蕉葉查些少油才放上糯米......才裹好跟佢裹上咸水草，完成！放入鍋內水要满㷛2小時之後給它浸半小時才拿出。

 .

今天不用凑孫，有少少時間上自己個網誌同大家分享近排做既排包；有正常板和迷你板，睇下大家喜歡哪一款

                                                          湯種排包

材料：高筋粉360g    湯種100g    蛋1隻     酵母菌5g    淡忌亷40g    牛奶110g    糠60    鹽2g    牛油40g

   註：湯種：用高粉20g加水100ml 拌勻之後用細火煮至稠杰放凉代用

製作：將高筋粉＋湯種＋蛋＋淡忌亷＋糖＋鹽放入搞盤內用低速打均勻後＋入2/3牛奶打至成麵糰•之後改用中速＋入酵母菌再＋牛油再欠搞匀後＋入余下的牛奶分幾次《慢慢加下》打至柔軟至不黏水就完成。將麵糰取出滾圓收口放于盤碗內發酵1小時。

發酵大２倍後取出排氣，將麵糰分割成10份或《20份》滾圓再醒粉15分鐘、接着呼麵糰排氣碌成長型將俩則對捲起收口向下，放予盤中噴上少少水再發酵30分鐘後掃上蛋液跟住用180度焗20分鐘，10分鐘囀盤......完成

呢個係正常板 

 呢個我將麵糰分割或20份！睇落去好似大份啲