今日去夏令營,所以預早D起身,朝早先執野。

集合時間１點９，我大約點３、４就落到去．．見有時間就去屈臣士買野，

怎知個售貨員唔知搞乜，條龍越黎越長，前面個呀叔又多事幹，

最後啱啱好點９返番教會，唉。

今年去果個個ｐｌａｃｅ以前都去過，仲係我第一次去ｇｅ教會營，

想當年有洪主任傳授＂白鶴起飛＂，添ｂｅｅ發脾四同林日裕ｇｅ＂洪奀全＂．．．

光輝不再。

搭車果個我地玩＂番舊帳＂，李振呢碌粉友梗係成為眾矢之的，

果D咩「去厠所俾人撬門」呀，乜差都出晒黎，佢仲傻傻地咁整左句　打戰爭©　出黎，ｄｒ．ｌｅｅ呀救命．．

個司機俾人老點，入極都入唔倒營．．

今年有D唔同，各人分發營友証一張，極具氣派！跟手係房睇李振做左幾廿下ｓｉｔ　ｕｐ就食得飯。

食完飯個個踼拖參加聚會，唱吓歌仔，玩吓遊戲，傾吓計第一日就差唔多啦。

李振條友仔，三更半夜，個個訓晒果時係度嗌＂呀ｌｏｎｅ＂俾我、崇恩同團長聽倒，男人老狗，真係世風日下。

唔通李振．．．．ｈｏｌｙ　ｓｈ＊ｔ　ｈｅ’ｓ　ｇａｙ！？

今日約左班ｉｖｅ　ｇｅ友人去貝澳ＢＢＱ，所以今日早左起身（１１：００），

起身搞一大輪到１２點就係屋企樓下等ｔｏ同ｋｉｗｉ，跟住一齊去左大窩口街巿買肉、丸類。

買完就去荔景站等小賓賓、肥脷夫婦，齊人後搭車去貝澳∼

３點左右去到，感覺真係同返大６沒兩樣．．，又牛又蟲，真係ｇｒｅａｔ！！

太早燒冇癮，於是乎就去左玩水，D浪打埋黎果野好鬼過隱，哈哈，不過就時勁時弱。

玩完水沖埋身就ＢＢＱ，個爐起左十世先掂，還好時間尚早∼

今次D食物冇上次買得咁多．．但都係食剩咁多

燒燒下有D十來歲ｇｅ鬼仔鬼妹埋黎玩，我地仲同佢地踼波，我做ｋｅｅｐｅｒ，個波十年唔近一次龍門，

搞到我好似睇人踼咁。佢地D呀爸之中有個好型仔,拎住罐嘉士伯真係好以拍廣告咁。

D鬼仔走左之後我地轉戰籃球，由我、肥脷夫同ｋｉｗｉ組成ｇｅ天才軍團大戰由小賓賓、肥脷婦同ｔｏ

組成ｇｅ　ｆａｓｈｉｏｎ隊,結果我地大勝1ｘ比０，ｗａｋａｋａ！

可能我跑得太盡,腳板爆＂ｐｏｒｋ＂，而家都仲有D痛。

玩完我地就搵左D＂隻＂(竹做果D呢)，舖左係沙灘度。肥脷夫婦去拍拖、ｋｉｗｉ同ｔｏ去捉ｃｒａｂ，

我就訓覺。近住個海，訓係果度好鬼凍．．難得天上咁多星，咁快訓好似有D浪費咁。

3點幾訓到傻傻地咁，仲以為自己發夢係海灘度．．諗諗下又訓左

今次5點半就真係醒左，晨早流流周圍行下，大約7、８點我地就告別貝澳，各自歸巢啦。

呢排睇番套男兒當入樽（SLAM DUNK），睇完漫畫而家睇緊動畫版，漫畫真係好睇好多．．．

等我貼D圖懷念下，今次貼湘北！