今日因為下晝有節目，所以特別準時起身！

雖然早左起身，但都係遲左番學．．．遲左１５分鐘啦大約。

番到去笑到我爆咀，kiwi 、felix同雪兒都剪左個得意新奇又有趣ge頭．．

而且kiwi同panadol仲幫felix set左個７０年代飛仔鬆糕頭添！

felix又話個頭唔駛見人，但係又出又入四圍走．．．死仔，口不對心，你不知幾鐘意個頭！

其實今日天氣都唔係咁好，為左下晝唔落雨，我地整左隻晴天娃娃掛左係課室（仲係canteen塊玻璃畫左3隻)

之後天氣就好轉，唔通係power of sunny doll！？

放左學我地去左小雨天食野，我部ｍｐ３差Ｄ唔駛要！好彩都冇事....

食完野就搭車去單車公園啦，租車個阿叔好多意見！

雪兒唔識踩單車，我地教唔惦，之後個阿叔話出手相助，

以為有D咩獨門速成法，怎知個方法同我果個一樣！

其實果度學車環境十分妙，但係雪兒好怕跌，未平衡已經放番隻腳落地，咁驚法好難學ga bor！

之後雪兒返屋企先，我地送佢搭車跟住踩多陣，我地有幾遠踩幾遠，中途felix甩鍊，好彩最後都趕倒係５點９交車。

（交車前felix仲有一幕過龍＋撞柱，呢獲撞柱成為今次唯一意外。）

踩完單車就一行人去左馬鞍山中心食野，kiwi同mok食m記，其他人就美心∼

panadol一食完就去?kiwi，剩番ge好有義氣咁等stella。（唔等俾人打，淨係得panadol有走ge理由...)

felix食飯果時又駛跌食物又盛，好”論盡”！

食完野行左一陣就走啦∼搭巴士果時felix同stella又要談情但又唔一齊坐（佢地中間隔左條走廊)，而且又互相抽水！

我同panadol覺得勁”銀”眼，於是係咁係佢地中間行過，打斷佢地對話，以消心頭之氣!

玩命遊戲:交換輻射，內容包括零距離(打者及聽者距離極近),零距離sms等。

其中以felix玩得最出神入化，以後想我地點叫你？

１)Mr.Radiation          2)Dr.Radiation       3)Prince Radiation        4)Dumbass

相信總有一個合你意。

今日約好左felix去佢間教會＂作客＂，約左佢１點係地鐵站等∼

今朝１１點起身，同豬裕玩左一陣點知玩到過晒龍！成１點３先去到，以為實俾人罵，

點知felix先啱啱出發...冇耐felix黎到，佢身旁仲有豬仔添！

（其實豬仔好準時黎到，我等felix中途佢已經黎左）

太約２點stella都黎埋，四條友一塊兒吃lunch∼

食lunch果時stella為左撩豬仔講野，表現左佢極強ge交友能力！

case【發雞盲】餐牌上鬼咁大隻字寫住青架喱，當時人故意問：「青架喱係邊呀?」

                       事實上青架喱佔位足足有半張餐牌，可見當時人早有預謀。

case【跟風】　叫野飲ge時候，豬仔同felix都叫左杯少甜ge野飲，而stella都唔執輸．．

                     「朱古力少甜ㄚ。」結果侍應冷冷一句:「冇朱古力喎。」事實上飲品meun同

                       餐牌係一齊ge，除非當時人再次發雞盲,否則絕對居心可測。

希望當時人見倒呢篇野後千祈唔好打我個頭！

食兒野就去作客啦，有牧師講道啦，玩遊戲啦，幾開心嫁！

中途仲有stella爆水彈添！（我做ge！)

完左就去felix家玩啦∼stella同mok賽車又輸，tennis又輸，好差呀∼哈哈！

跟住仲係佢屋企食飯，非利媽煮野幾正！而且非利媽仲係吹得水果隻。

其實stella同mok係黎做IA，點知佢地只係玩。

今日終於見過真正ge非利妹啦！不過佢唔係點出聲，好鬼怕醜！

最後大約十一點歸家~

人同人之間真係奇妙，想盡辦法將兩者距離拉近，一段時間後以為得左，

點知結果原來只係＂冇咁遠＂，真係吹脹。