雖然我地班友識左半年多，但係咁樣一齊出黎玩都係第一次!

其實之前都有踏單車呀，行年宵呀，但總係得嬌姐同我地一齊去。

今次終於聚埋一齊啦，但係個學期就完啦．．．呢份友情黎得有Ｄ慢！

由於有Ｄ事，原本６點等我７點先到．．．去到join Felix 佢地，但係又冇爐又盛，我幾驚燒唔成!

我地一行人去完百佳掃貨就搭的去蝴蝶灣，同雪兒會合，冇幾耐就有爐啦。

我地買左好多野食，買左３舊水！而且幾好味添！但其實我唔係食左好多，全程燒多過食。（我燒ge速度比人慢！）

天公不造美，燒果時成日有Ｄ過雲雨，落吓又停吓，勁乞人憎！我地又只係得一把傘，都唔知遮得邊個。

食完野落beach玩，我再一次中正＂curse of 邊有咁易中＂，要同TO睇住Ｄ袋，同等panadol黎。

時間一分一秒地過，我感到無比ge空虛．．．終於等倒啦！我立即衝左出去睇星星。

我第一次係香港睇倒咁多星．．．記得ｎ年前返大陸，Ｄ星又多又密，靚到七彩！

結果我係個咁浪漫ge情景同張民康傾計，話題由喪屍到恐龍，你都咪話唔浪漫！

「你睇?成天都係星星！周街都係情侶！點解呢個時候我要同你條友傾恐龍！？」我講得出就好啦!

之後又返過去食野．．冇幾耐又落去玩，我地講鬼故同玩做動作！之後仲玩＂非洲話事啤＂添。

Felix又再次敗走．．．成日輸，最後仲搞到嬌姐濕晒身！果時都等二朝５、６點啦。

後來felix 同嬌姐佢地上左雪兒屋企洗白白，我同To走先。

我塔bus果時訓鬼到流晒口水，醒果時隔離兩條阿叔迴避我眼神，睇黎佢發現左．．．．哼哼．．

ps.莫妺妺同家姐完全相反！