|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2006 年 6 月 21 日 星期三  |
| 再臨 |
相隔三個月,終於有番D意欲打番日記 而家最希望毎個week起碼一篇啦~ 今日就約左ive班友仔BBq, 咁大約4-5點入到屯門,但係買野就買到亂哂龍, 有D工作都未分配好,搞到有時白行 不過算,今日係大家一起happy ge日子,無謂搞到好薑咁 今次燒D野都幾good,D金菇幾鬼正! 不過我基本上係飲水飲飽, 因為前一日病左,到今日都未完全好番,冇乜胃口 食完野本來就諗住落海灘玩,但係有個呀婆成日"喉"住我地D野 成日望過黎.....結果我地等到佢走左先落去玩 我地玩左幾個game....先玩馮生馮太自創ge game,都幾好玩ge~ 不過簡直大層殺,因為一次過輸四個人,我第一局都慘敗,罰跳舞 之後我帶左兩個game,不過有一個失敗..... 玩完晒都已經5:00am,上番去傾o下計,我地主要都係傾D關於宗教ge野 then就諗住起爐食早餐,但係D野唔知做咩濕濕地,最後個火機都壞埋..... 唯有麵包做早餐...今次我地好似食淨好多野, 我地就全部送晒俾戴雪兒,以表示我地長期對佢ge感激! 感激完就集體回家啦 Ps.張先生燒野食果時注視馮生馮太,仲話好鬼羨慕,悲呼! |
| 刊登時間︰2006-06-27 04:35 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 3 月 19 日 星期日  |
| 閒計~ |
今日林毛毛部腦出左事，頭先上去佢屋企幫佢搞， 發覺部腦ge病徵非常奇特，係bios畫面影像會不斷跳動，入番windows又正常番 開頭以為display card有事，於是乎用我部腦度試，ㄚ又冇事喎 本來係網上搵倒個case同佢病徵非常似，但係D解決方法真係不知所謂 聽日約左佢再試過.....應該可以搵倒根源， 再唔得，可能佢真係要搬部機去新高登度整。 到暫時為止，我最喜歡ge漫畫家係古谷實， 佢個名可能好多人未聽過，但係佢ge作品大家一定有D印象， "去吧!稻中兵團"你實聽過啦呱! 古谷實ge漫畫有一個共通點，就係主角通常都係充滿失敗，一無是處ge人 就講下"去吧!稻中兵團"，入面ge主角前野又醜、又無用，又自卑， 呢D偏離主流漫畫o既人設，初初我睇時都非常不習慣，但係越睇落去，就越有味道。 第一次睇完呢本漫畫可能只係覺得好笑，但係再睇多次可能會有所啟發， 唔計佢果D色情ge笑料，漫畫裏面o既故事幾有意思，有D甚至有哲學味道 如果你想輕鬆，古谷實仲有"廢柴同盟"，要嚴肅有"庸才"同"十七青春循走"，唔睇可惜! |
| 刊登時間︰2006-03-19 11:04 PM [ 訪客留言(0) ] [ 編輯日誌 ] [ 分享至FACEBOOK ] |
| « | 7 | 8 | 9 | 10 | 11 | 12 | 13 | 14 | 15 | 16 | ... | 18 | » |
