|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2006 年 7 月 1 日 星期六  |
| 巴西敗走 |
巴西對法國剛剛完場,巴西輸鬼左! 平心而論,今場法國中後場都踼得好好 上半場完全壓住巴西黎打, 到左下半場十幾分鐘仲入左粒 俾人入左球波ge巴西先好似醒番起點踼波咁 多番D進攻,但係面對法國ge銅墻鐵壁,始終為時已晚...... 成場波施丹好似上身咁,中場線明顯係法國控制住, 細哨又隱左形 法國ge打法真係專剋技術型ge巴西, 巴西ge教練彭利拿又太老定,賽前話唔會用任何特別ge戰術黎應付法國, 有得佢地踼自由足球咁話wo..... 不過,今場一輸都算係一件好事,等佢地認真諗反省o下! 事實上今屆巴西真係冇踢過一場好波,完全睇唔倒D所謂森巴足球 人腳就粒粒皆星,有大細哨,有卡卡,有亞祖安奴,有羅賓奴, 加埋一齊整左隊翻版皇馬出黎,呀教練係咪要反省下? 如事者....四強已產生: 意大利、德國、葡萄牙、法國 港人至愛ge英芥蘭同瓜西均已出局, 對我黎講今屆世界杯已經結束。 最無奈應該係TVB, 皆因佢地等播ge世界杯賽事變鬼左做歐洲國家杯!
ADRIANO 唉!唔緊要喎亞祖,你先至24歲,以你ge實力,下屆仲有機會報一箭之仇! |
| 刊登時間︰2006-07-02 06:03 AM [ 訪客留言(1) ] [ 編輯日誌 ] [ 分享至FACEBOOK ] |
2006 年 6 月 30 日 星期五  |
| 再見阿根廷 |
o岩o岩睇完德國vs.阿根廷, 好可惜,阿根廷8強止歩了! 其實佢地分組賽打得唔錯, 送左6隻蛋俾塞爾維亞(及黑山)果時仲好有冠軍相... 今獲對德國,互有攻守, 睇到我都有D緊張....最終兩隊打和1:1,互射十二碼... 果一刻我就覺得阿根廷劫數難逃...結果真係輸左 講真列文又真係幾勁,球球都捉倒路...柏卡文?捉條毛呀真係 不過我就有樣野好想問: 做乜鬼野唔出美斯!?做乜鬼野收埋列基美??? 最尾見倒阿根廷球員一個二個淚流滿面...差D搞到我都喊 唉!4年之後又4年.....真係好唔抵!
飲恨呀! |
| 刊登時間︰2006-07-01 02:28 AM [ 訪客留言(0) ] [ 編輯日誌 ] [ 分享至FACEBOOK ] |
| « | 5 | 6 | 7 | 8 | 9 | 10 | 11 | 12 | 13 | 14 | ... | 18 | » |
