雖然我本身唔係德國或者意粉國ge fans,

但係見講波佬林尚義last幾場旁述,所以捱睇訓都要睇埋佢!

講番場德意大戰,雙方勢均力敵,互有攻守,

意粉國雖然缺少左Nesta,但係都勉強擋住德國ge攻勢,

雙方久攻不下,最終0-0打完90分鐘進入加時

當半小時加時進入尾聲,以為要踼12碼ge時候,德國失守!

臨完場先俾人入波.....冇計,唯有全力狂攻,

正因為咁以至中門大開,俾迪比亞路整多粒,造成無可挽救ge敗局!

其實德國可以去到四強已經好好彩,

八強果時唔係阿根廷個教練玩野,早就番屋企啦!

BALLACK Michael

含淚說一聲-----Goodbye!!

今日唔覺意咁睇左無線第一集播ge《keroro軍曹》,

主題曲呢D敏感野就唔評論啦~

但係軍曹ge配音員居然係以前亞視《臘筆小新》入面ge風間...

有D意外.......其他角色ge配音員都同想像中差好遠!

軍曹成日講埋D「在下」、「是也」、「我輩」.......有時唔駛跟到咁足,最緊要順耳!

其實無線套keroro軍曹係買錯左....因為呢套野唔多啱小朋友睇,

有好多野要睇左1979年套《高達》先明!

今日晏晝落左樓下士多諗住買野飲,

但係又撞啱附近ge小學放學,,原本狹窄ge士多更加密不透風...咁冇計,唯有等等啦~

咁呢個時候有個女同學就好唔耐煩,對仲幾個揀緊雪條,阻住條路ge男同學講:

「快鬼D啦!咪鬼阻住條路呀!」

其中一位男同學一臉愕然,然後講:「乜野呀男人婆?」

女方似乎被呢句激怒,怒啤果位男同學,口中亦唸唸有詞,

呢個時候幾位男同學終於都買完雪條,正打算離開之際,

果位同個女仔有口舌之爭ge男同學突然爆左句:

「X你老母! fu*king you mother!」然後擺出一副不可一世ge臉孔。

我當時真係好驚訝,唔係因為佢係小學生,

而係佢英文都唔識,都仲要走去講英文粗口?

仲以為一講果幾個字人地就好hurt?

啱啱搵倒D幾搞鬼ge野~

(共鳴)

第89集-七面Giroro

小時候