今日原意係一齊番學攞成績表,跟手一齊去Happy~

點知嬌姐又冇黎,小PanPan又冇黎,得番5條友仔,陣容同上次一樣,只不過嬌姐=>劉小滔

去吃火煱之前去左Felix玩左陣,本來帶左隻EyEtoy去佢度諗住開心下,

點知感應不良,第一個map玩左成個鐘都未過倒....終於7點幾一齊走人去MK接Miss.方包

Miss.方包唔知做乜野,搞到我地行左好多冤枉路,結果我地求其搵左間就入去食

(都唔係完全求其ge,係因為Felix夫婦食過,仲話好鬼正)

我地叫左野食半粒鐘先黎,唔理咁多,開餐!

佢個湯底幾鬼正,D肥牛同雞肉都幾good,如事者,我地食左一個鐘之後大家都後勁不繼,

呢個事候驚見劉小滔仲不停食、不斷食、默默咁食....食至完場,真係人不可以貌相!

食完野行左陣街就歸家啦,希望下次相聚多番D人啦!

世界杯終於完滿結束,意粉國第四度捧杯!

本來對法蘭西好大期望,結果輸十二碼....

學桂神話齋,十二碼呢D野一係入,一係唔入

而且Trezeguet唔入果球都係中眉低彈出,唔夠運!

今場波有個好驚人ge場面,就係Zidane用頭撞Materazzi

Zidane以一下鐵頭功為佢最後一屆世界杯劃上句號....

場波完左之後仲有講波佬阿叔ge退休儀式,

事實上阿叔而家年時已高,講野都不復當年流暢,退休係明智之舉!

世界杯完結頓時感到空虛,唯有新球季可以將我ge空虛填補!

施丹頭搥重溫

事件後有個現象,各國媒體都同情施丹,狂插馬特拉斯,

令我諗起今屆ge朗尼事件,邊個係受害者搞錯晒