今日番林百欣攞番張會考證書,1點幾番到去撞啱書記去左食飯,

咁唯有周圍行下,發現art room旁邊貼左我幅畫出黎...

果幅畫係中五考試,題目係幫熱狗賣廣告,睇真D,真係畫得好鬼核突....

真係好想扔佢落垃圾桶!

等左成個鐘個書記終於番,攞證書之外原來仲有張美術科獎狀...

隨獎狀送一舊水啟明書卷....但係啟明呢間野,真係冇乜好野賣

攞完就搭車去柴灣ive交form,真係搭車都搭到我斷骨,去到仲要搵路,熱到嘔!

黎又一個鐘,走又一個鐘,好彩想揀果科唔係柴灣姐,

唔係真係每日喊住番學!

口輕輕應承珍姐幫佢手搞書攤,今日自食其果!

朝早8點鐘就起身,對我黎講實在太早....

9點鐘落去屋企樓下等林毛毛,撞倒蔡氏,仲以為我啱啱先返屋企

林毛例牌遲到,等佢黎左就迅速搭車去九龍灣同珍姐會合,

點知去到又俾珍姐老點,幾經波折先去到書攤場地

今次書攤搞得好過上次,買書ge人多左,

我地人多勢眾,半個團契黎左,車久未露面ge楊奶鋒都黎埋,人多好辦事!

林毛sell野果時硬係覺得佢sell緊衫咁樣樣,睇怕係職業病

書攤完左就同團腸&林毛去沙田睇野,行左好耐先食野...就黎餓到暈低...

於是乎就去左一個近似美食廣場ge地方食野,好彩D野食都唔差!

食飽飽又行過....結果行到9點幾10點番荃灣金禾打機....

我再次玩炸彈人,去到第二版而經死左兩條命....結果last一條命捱到爆機,

睇黎我狀態番晒黎!玩完都十一二點,就歸家啦。

去珍姐書攤幫手真係幾疲勞,下次都係諗吓先!

呢期成日都睇番D舊漫畫,最近就睇龍珠

以前睇卡通覺得套野畫得好核突,但係睇完漫畫諗法完全相反,有好多野都值得學習!

所以睇過一套動畫覺得好睇,記得睇埋漫畫!(臘筆小新例外,漫畫不堪入目)

一路睇開ge有GANTZ同日式麵包王等,

GANTZ第一章完結,個主角死鬼左....第二章要十一月先有.....今次主角個朋友擔正,唔好令我失望!

講吓日式麵包王,套野都幾搞笑,但係後期作者就走火入魔,情節非常非常誇張,

而且主角實力太強,唔好叫東和馬啦,叫獨孤求敗啦!

(動畫26集、漫畫第7期)

黑柳亮:「傑特,你簡直係我ge Double Classmate,簡稱就係------Double Crust~~!!!」

↓永遠只有一個樣ge傑特↓

睇漫畫果時都知佢個樣係影印出黎!