今日請病假陪老公上庭~因為超速駕駛~~=.="
嚴格呢講~今次呢單野唔關佢事~
係阿柏借左佢架車去揸~係佢闖既禍~~
但係~唔知點解老公會咁好人幫佢認囉....激死~><"
9點去到粉嶺法院~~一路聽審~~
審埋晒d好無聊既野~阻街, 九鐵上飲野, 行人路上踏單車~~
我覺得d人好白痴~咁就畀人罰款~~阻住晒我d時間~~=.="
其間有個人又係超速~佢要罰$1500同埋停牌半年~~
嚇到我好鬼驚~~>w<心諗應該就到老公啦~
點知等到11點幾先到佢~~=.="
開始心跳加速~~個官好串囉~~
因為老公簽左封認罪書黎~寫係初犯.....
但係其實佢之前已經有一次記錄....=.="咁無記性架你~
跟住個官話~"你唔係初犯又寫初犯黎擾亂我?
囉牌年幾就有2次超速~我諗你好快又會見到我架啦~
下一次你見到我就會係停牌架啦~~"
......=.="嘩~~洗唔洗咁串呀??我係咪可以告你恐嚇呢??
跟住只係罰$600~~~好彩姐~~^^
其間隔離個人個肚係咁打鼓~~我好想笑~~但係唔可以出聲~>w<
走果陣~老公話~~"你頭先係咁打鼓呀?"
我話唔係我黎架~~係隔離果個男人黎架~~
之後我地去食m記~我好耐無食啦~~呢間d薯條好好味呀~~
我地食晒d薯條~~攪到我食唔晒個包~haha~~~^^
之後返老公屋企訓覺~~原本係o係到食埋飯先走架~~
但係唔知我做咩~6點幾就想走~~諗住自己返去唔洗老公陪~
點知佢唔知係唔捨得我定唔放心~~陪埋我一齊返去~
之後我地畀auntie鬧話唔o係到係飯~~~=.="