友人系"窩釘"友, 成日進出槍街呢頭, 有晚佢約左我系呢間無論名字及裝飾都相當搞鬼�H食店吃火鍋!
呢間食店日頭系作冰室用途, 每晚六時後就有火鍋供應
門口貼上懷舊海報, 上到樓上見到以懷舊做主題, "夜總會"呢3個字好玩味, 而為左襯返個店名, 一排"火水爐"整齊排列作裝飾, 黎呢度開餐, 影相呃LIKE就至岩
今晚系食呢個安格斯海鮮火鍋任食套餐 (每位$258/兩位起, 用餐時間150分鐘)
未起動前, 先有個前菜小食, 系炸燒賣及魚蛋, 唔駛一分鐘已經被消失左
招牌鮑魚麻辣雞煲送上, 辣度由唔辣至大辣都有, 加熱4分鐘即可食得! 呢度既雞煲一滾起就香味溢出, 雞件有嚼口得黎都滑, 配以大量芫茜及紫洋蔥(若果紫洋蔥切細件D會仲容易煮腍及出味)!
鮑魚每人一隻, 口感爽口彈牙, 夾麻辣醬汁都幾好味!
食完辣雞煲, 成身都暖曬, 跟住就進入真正火鍋時間, 幾款湯底比你選擇, 我地要左下火之選皮蛋芫茜湯
擺盤吸引�H時令海鮮拼盤自動送上枱(款式沒有劃一, 追加需按時價收費), 今晚系蝦, 花甲, 沙白及脆鯇片
蝦及花甲食落幾鮮甜; 厚切脆鯇片食落當然爽脆, 火鍋食才好友之一!
任食火鍋配料可以系呢張追加單落單
美國安格斯牛肉脂肪分佈平均, 唔會大部份系肥膏令你睇見都唔想食
肉質食落唔會嚡口, 肉味都有D�H, 可以再追加!
另外西班牙黑豚肉鮮嫩粉色, 望到已經幾吸引, 切成薄片縮短烚�H時間
丁點兒脂肪, 食落有少少嚼勁, 無豬既肉燥味!
丸類選擇有幾款, 仲有雲吞及水餃, 墨汁墨魚丸夠香, 特別要推介牛丸, 咬落去會系口腔內咇出肉汁, 牛味超濃, 口感厚實得黎又有少少彈牙, 實在有驚喜! 不禁追加又追加!
又叫左好耐無食過既牛栢葉及水魷, 雖然唔系咩名貴野, 但見到佢總有種莫名�H親切感
呢度�H汽水系任飲, 吃火鍋邊可以缺少呀?!
以為就咁完?! 仲有甜品架, 就系呢碗雜果涼粉紅豆冰, 呢度系二人份量, 放上枱時系會不禁發出............哇一聲!
紅豆唔止大粒仲好綿, 涼粉無加糖水可食到原味, 食左咁多熱氣野, 有呢口涼粉確系爽, 真系連糖水錢都幫你慳埋! 抵贊!!!
侍應服務態度有禮, 不時主動加湯及更換碗碟, 難怪全場爆滿, 唔早D訂位分分鐘未必有得食!!
火水爐冰室火鍋 : 旺角煙廠街33號朗廷軒1樓
contact me : [email protected]
|
