係呢區想食台灣嘢，好容易會諗到呢間，提供簡單麵食，仲有小食/滷水/便當/捲餅/飲品及甜品供應，無需太傷腦筋
炎熱天氣，最岩飲D水果味�H茶，尤其係味道香甜�H就仲得我哋歡心，叫咗呢兩杯鳯梨紅茶 ($30) 同荔枝紅茶 ($30)，夠晒大杯，飲成餐都得，味道唔會太甜，冰涼紅茶味，爽呀!
落單後唔駛等好耐就送上清燉半筋半肉麵 ($75)，份量都幾大碗，所謂�H半筋半肉即係筋腩
牛筋都有相當粗度，滿滿�H膠質，食完成個嘴"黏"住晒; 牛腩就炆得相當入味同一咬即"溶"
湯底濃得黎帶點甜味，唔肥膩，麵條軟硬度適中，就咁連湯一齊食都好味。
本來係為咗會一會佢個麻辣鴨血冬粉，點知..................鴨血無貨，咁就試咗呢碗牛三寶麵 ($80)，餐單上寫係牛肋條，牛腱肉，牛筋
可能無貨啦，變為牛腩牛筋及牛展，每款都有大約2-3件，帶有點厚度�H牛展亦係炆得相當入味，入口又係帶有膠質，輕鬆易食。
湯底同麵都係一樣，食完都唔口渴喎。
除咗主食，仲叫D小食啦，呢客蚵仔煎 ($42)，好耐無食過啦。
以木薯粉及唐生菜再加入鷄蛋同蚵仔撈均去煎，入口變得QQ同幾飽肚; 濃濃蚵仔鮮味，一客二人份享岩岩好。
呢客梅子地瓜條 ($36)，食落唔油膩，炸得相當辣脆口，梅子粉�H酸甜味夾蕃薯條�H香甜味，可以作為另類"甜品"都得。
呢度真係供應台式甜品，但今晚實在太飽，留待下次。
|
