無情�H疫症持續幾年，尤其係今次第五波，對於大部份香港人黎講，身心靈都覺得好疲倦。係晚市重開之際，朋友帶我上呢度食一餐素食私房菜，希望可以洗滌一下心靈
店內面積唔大，顏色佈置舒服，晚市私房菜每位價錢由$180至$2XX，三日前預約，好等老闆娘預備食材; 而午市就有套餐供應
老闆娘相當好客，請咗我地飲草本茶，小葉紅茶糖及餅乾，味道都幾唔錯，尤其係海苔餅乾，好香海苔味，好快我地就食晒。
想買D返屋企都可以，全部台灣純素出品
今晚�H素餐由前菜五香蜜汁豆乾揭幕
一口一粒，香甜蜜汁味好惹人胃口
時令湯水有冬瓜薏米腐竹雪耳湯，清熱袪濕，加入白胡椒增加香味，味道比想像中濃味，素湯都唔一定係淡味�H!
呢客烤南瓜選用日本南瓜，材料已優勝，加入牛油及黑椒香烤
入口香甜綿感，食到牛油及黑椒香味，簡單食材但令人會一舊接一舊。
素菜炸物出場啦，就係呢碟蜜汁炸脆"鱔"，外觀上無論顏色及形狀真係好似
"鱔"條主角係香菇乾，菇味較新鮮�H會仲香D，浸軟後剪成長條，沾上炸漿再炸，淋上酸甜汁，每條都披上光澤透明外衣，好好味，好有驚喜。
XO醬炒家鄉蘿蔔糕係茶樓就食得多，但素食版�H就第一次食，用金菇代替瑤柱，味道都相當近似，香辣惹味; 蘿蔔糕切成一口狀，無其他材料，食到蘿蔔香甜味，醬同食材好夾。
加入薑片令到呢碟小棠菜炒黃耳，有薑�H香味，小棠菜切成小段，容易入口; 黃耳口感爽脆之餘具有膠質，有提高體質預防疾病的�H作用，呢期好岩食!
呢客由老闆娘自家製�H煎餃，外皮煎得香脆唔油膩，內裏餡料剁得相當幼細，有新鮮猴頭菇，蘿蔔，高麗菜，粉葛，豐富咗唔同口感
點埋香醋，趁熱食啦喂.................
從老闆娘言談間知道，佢開呢間舖�H目的係想推廣素食，讓人食得健康一點。所以經佢處理食物，無論係烹調方式或食材選擇都食得出佢�H心思，每碟都係即煮，除咗感受到食物�H熱度，仲感受到佢對素食�H尊重。
|
