現今生活物價指數甚高, 2個人隨便出去食餐都要幾百蚊埋單, 今晚去食�H呢間西餐廳, 竟然推出每位$188就有生蠔/鵝肝/牛扒食, 係真唔係呀?!
入到店內見到呢個餐牌, 大大個$188字, 由頭盤, 沙律, 餐湯, 主菜食到落甜品, 仲有餐飲, 唔係卦?!
要選擇�H應該係邊款頭盤/主菜/甜品, 落單後就等食啦喂...............
先黎呢個巴黎汁扒大蝦
講真唔係好知咩係巴黎汁, 味道咸咸地, 配埋隻爽口大蝦係好味�H
同時生蠔海鮮拼盤 (太平洋生蠔1隻, 鮮蝦3隻, 松葉蟹棒3條)一齊送上, 呢個擺低時有哇一聲感覺, 隻太平洋生蠔好大隻呀, 食落鮮甜, 而蝦及松葉蟹棒夠凍都唔錯, 配埋個醬汁食好爽呀!
經典凱撒沙律, 份量適中, 食多點菜點都有益D�H!
巴黎汁田螺焗薯蓉, 有1隻田螺於焗薯蓉上, 味道唔錯�H!
餐湯有龍蝦海鮮湯, 配脆多士, 湯濃度唔算太杰, 飲到龍蝦獨有香味!
主菜出場啦...........呢客玫瑰岩鹽燒石班魚柳配原隻南瓜芝士意大利飯, 望見原隻南瓜忽然好有萬聖節感覺
燒香左�H石班魚柳放於南瓜芝士意大利飯, 口感皮脆肉幾嫩又唔太乾身, 幾有魚香味!
"畢"出飯粒就見到有拉絲畫面, 芝士�H咸香加埋南瓜�H甜美, 雙重味道, 食到一粒都無剩啦!
另一客為美國春鷄焗釀黑松露菌意大利飯, 呢個勁呀, 侍應會點火"燒"鷄, 火好快熄滅後就食得, 真係名副其實燒鷄呀!
春鷄脂肪含量低, 睇下皮下係無脂肪�H, 再加上燒至脆身更好味, 放心食埋個鷄皮!
內裏釀左黑松露菌意大利飯, 飯粒較為濕潤, 但黑松露味唔算好出!
話名係春鷄, 肉質當然唔會嚡, 呢隻當然都唔例外, 仲有肉都幾多架, 食晒成個都好飽!
甜品一早落左單, 就算點朱古力心太軟都無需要再等, 呢客朱古力味幾濃又唔太甜, 唯個朱古力漿切開時唔太流出!
呢客法式焦糖燉蛋頂層有香脆焦糖面, 底層有香滑燉蛋, 甜度岩岩好, 即使同焦糖一齊食都唔會覺好甜, 呢個甜品唔可以錯過呀!
餐飲叫了杯咖啡, 估唔到水準幾唔錯喎, 咖啡味香濃, 加杯小奶增加香滑口感, 份量又足, 唔會飲幾啖就無, 可以慢慢同我�H甜品一齊享受!
上菜唔駛等好耐, 食完一樣先上一樣, 侍應服務態度良好有禮, 呢餐真係抵食到一個點呀!
咪住...................晚市九點後入座優惠全單仲有75折架, 簡直抵食度破點呀!
天機棧扒房 : 旺角花園街18-24號華園閣2樓
|
