琴晚睇完無線個<萬千星輝頒獎典禮>,溏心風暴連奪 1)最佳劇集2)最佳女主角3)最佳男主角4)最佳男配角5)我最喜愛女角色6)我最喜愛男角色 六個獎項,恭喜哂其實我諗最令全港觀眾驚訝的就係阮兆祥憑溏心風暴攞到最佳男配角,應該除左無線,應該無人會估到呢個結果,但講真果句,阮兆祥做左禁多年,為無線[賣命]左禁耐,而且佢做戲真係做得幾好,比個獎佢都唔過份,今年佢都算苦盡甘來了

不過成晚真係睇到對眼都花,因為睇見個個藝人都著到珠光寶氣個熒幕2個鐘係咁閃,人人都幾百卡寶石咁擺哂上身,黎姿同佘詩曼百幾卡值幾百萬的鑽石,關菊英超過100卡值800萬的紅寶石,不過最勁的都係李司棋戴成298卡成粒麻將咁大的綠寶石,值成6000萬!!!!真係見到都[鄧]佢地重,唔小心跌減粒都唔知點算,真係開心又驚心

其實最橋的就係17日無線選完,18日又到區議會選,不過後者我不大關心