如無意外人口普查就尼開工,呢幾日除左補左兩堂Phy要溫溫之外,仲走左去做d有益身心ge活動
首先上禮拜日去左游水,我呢日係由零開始, 之前淨係記得2,3歲去過泳池一兩次,前兩年奧運期,泳池免費去泡過次水,但游就完全唔識,世傑同rico陪我去,心諗一世唔識都唔係辦法,襯今次人少 少,試下都好,由踢水開始學,開始前進到,手亦開始學划水,但都係唔太識換氣,成日吸到一半個頭就落番水,好彩有泳鏡,唔係對眼點頂....停響度浮水都 未識,話打直個人放鬆就得,但我都係慢慢沉左落水,整天成果:分段完成50米
前日就約人去左嘉道理農場,一直都聽過,但好似無去過,所以就應承左,但入到去,個熟悉ge入場處,同果間貴價有機商品店,原來中二跟肥lee尼 過,記得果陣bird樂都一齊, 去到睇左一輪花花草草同雀仔,就行上山,行到一半已經喘哂氣,差唔多倦死,心諗仲要沿路再落番尼,真係sosad,好彩天公造美,上到山頂個「嘉道理兄弟 紀念亭」,見到導賞旅遊巴,司機叔叔好人,俾我地臨時跟車,行多陣,食個貴雜菜三明治,幫阿媽買包貴價菜,就返歸.......其實,欣賞感受自然當然 好,但終究都要向炎熱天氣受個人體能屈服.....冷氣機真係世界上最偉大ge發明之一
藝術相
情侶鳥,真係一雙一對
緊接落尼琴日約左大頭同lai lai踩單車,今次以沙田為起點,經文化博物館過,原來彼思動畫展仲未完, 有好多好可愛ge三眼仔,在場有過半百隻眼睛,都幾壯觀,不過太多人,影唔哂咁多隻:
同琴日一樣,曬到不得了,好彩搽左防曬,無曬到隻手兩截色......不過lai lai搽完支防曬,可能"立"左d,成個人漏水......
太多相,facebook見la
|
