試就考完幾個禮拜,有人好似M仔咁,高效率幾日改哂D卷,亦有人到入分前夕先尼趕工,佘sir可能係最後入分果個,懶到佢.........

今個禮拜好開心,星期二放假,唔使做lab,不過星期四都要測驗.........

星期一晚玩明將,廿幾個人去,又唔俾book位,去之前都諗過到時會點坐,到果日,6個人去左先,睇下拎到幾多位,但拎完最後都係分幾個幾個入.....

同深水埗果間比,呢間實在值回票價,好多都味道唔差,尤其是個蟹籽三文魚(好似叫三文魚軍艦),但個腐皮就真係難入口......我都係未接愛到wasabi,我食左一件就叫個waiter換過無wasabi ge碟比我.....可能我仲未體會到wasabi真正ge滋味

食完就成堆人一齊走,但諗諗下,明明第一批同最後一批入座時間差超過半個鐘,又話限坐兩個鐘,唔通我地最長都坐唔夠個半鐘?

跟住去左九龍公園放肆,雖然附迎係高級住宅,但我地都係嘈亂巴閉......癲左一輪圍埋聽情聖講似笑話ge鬼故,不過都唔夠老孫講ge「恐怖的醫學」尼得真實而心寒(我而家yahoo search呢五未搵唔到結果,唔通我記錯名?)

跟住就圍埋傾左一輪,雖然內容都頗無聊同陰塞,但諗番此情此景,其實都唔知仲有幾多次機會可以再咁聚首一堂,輕輕鬆鬆,無無聊聊........

愈講愈想中六唔好咁快過,無錯係辛苦,但因為咁,呢重中學就顯得更充實,更快樂....