話說又過左個星期六日, 原來諗住清埋d bio同phy,最後bio就清左一半,phy就........一尼要in人口普查,二尼星期日睇左陣bio又hea左........

星期六去見人口普查,好緊張,當然,大拿拿7000幾蚊係一個因素,但係十年一次,仲要撞著自己o岩o岩係中六,實在機會難逢,所以而家都幾驚到時得個桔,為此,我grad din件恤衫重出江湖,不過條件馬甲同件褲就太誇la,所以淨係要左件恤衫,再配條普通布褲

開頭驚要搵路,所以早左預早左粒幾鐘,一點零出左去,差唔多2點到荔枝角(我響深水埗官立小學in),頂,原來出MTR,過商場已經見到,於是去食一個鐘ge M記,3點去到學校果度,對對個夠就上4樓,得小貓兩三隻,於是無聊地影左幾張相(後尾先見到「場內不得拍照及攝影」.......)

差唔多3點半,2個miss阿sir尼到,搬檯搬椅,叫我地入去......交哂d文件之後就睇套20分鐘悶片,小學檯好矮,伏低好辛苦......

跟住考口試,第一條就叫人講普通話,要人用普通話讀番句問題出尼,我用中二之前ge學歷,加上平時聽果d碩果僅存ge三兩首國語歌ge能力讀出尼,頏完都唔知o岩唔o岩.....跟住句英文都無咩問題,再尼就情景題,「如果住戶提供ge資料有矛盾或謬誤,你會點處理?」我諗都得呱.......

口試後break成粒鐘,落去操場行兩行,又影左d相,(小學生d畫作,幾靚~~ 我隻兔仔,仲靚~~~~)

行左陣坐低,見到對面有個人拎成十幾頁ge資料響度睇,我就多口同佢傾左陣(令各位失望,係男ge),原來佢係大專生,唔講唔記得左原來今次仲有大專生尼in,夠鐘上去,佢6樓,我4樓,bye完之後我都唔知佢叫咩名.........

考筆試,20mins做25題MC,又好似考番CE咁,學肥lee響份MC卷度畫畫畫,打埋問號........做完,我諗ok ge,原來段片都有用,有幾題資料題都段片講過

上禮拜芬姐唔知去讀咩培訓,走左3日,有個姓翁ge肥仔尼左,同之前林輝,黃子翔好唔同,聲都唔出多聲........入尼就咁派題目,講講講(係我地講)就落堂走人.........

一陣又去殺明將,但今次班人話唔打怪獸,而且佐敦呢間又好似話無咁難食,唔知有無驚喜呢,如果係值回票價ge質素都唔錯..........