講真呀,我今日真係超唔開心,
英文news test又肥左,
體育,唔夠時間做掌上壓0分處理,
你知唔知,其實我以前對英文係非常厭惡,
到而家我依然咁憎佢,
我諗點解一定要學英文,
英文又多tense又多詞性,
點解一定要我地學ja?
點解就唔叫佢地學廣東話,
寫繁體字?
我好攰呀...係小學個陣,
從來都無人話俾我聽,
英文好重要,英文好重要,
搞到我以前真係唔聽英文,
而家我連小學英文基礎都無,
你話死唔死呀!?
winnie話英文唔識又搵師兄幫手,
幫得一時都幫唔到一世,
我基礎都無,而家學,
我已經覺得遲啦,
就算你講幾多以前d師兄師姐的歷史俾我聽,
我都唔會覺得唔遲囉!
我懶我知呀!
學呀?我又憎佢又唔學,
叫我點呀,我真係好難去接受英文呀!!!!

諗起今日哩兩件事,
講真,我真係想喊,
我好想喊,但係偏偏流唔到眼淚,
好想痛哭,好想發洩情緒,好想唔學英文呀!!!!
我恨,我憎,我唔要英文啊~~
................

a-math我上得好辛苦,
點解附加數好似一d真實用途都無o既?
上左兩個月,我發覺好辛苦,
我本來會諗下我係咪選錯科呀?
但係我知道我一定唔會選文科,
都係因為我知道自己懶,
無得揀嫁啦!!!
我已經好攰啦....
絕對值..好怪呀

返到屋企,沖左涼,
媽就打電話話我聽要我收衫,洗米,洗菜,
個陣我仲做未完功課,
我真係想跪係到喊,
而家,我細佬8歲半,
岩岩今日考完試,
就成日出去同人玩,
我就要收衫,洗米,洗菜,
而家叫佢去摺衫就嘈嘈閉,
我真係好憎佢,
佢細個我咁又點呀,
我咁嫁年紀咪要做家務,
屋企d大人又唔叫佢做野,
搞到佢d死人性格咁衰,
我憎....!