今日6點8就起左身,

刷牙洗面換衫,出門!

7點半返到學校,見到毛毛佢地仲未上407室練歌,

之後同昕湉佢地上左去,

見到ms lam後一齊入去407室,

男仔都黎埋後,我地練歌,

練完歌之後,我地成班落去操場點名,

之後我地就上禮堂睇比賽,

我地係第三隊唱,但我地一入禮堂就見到螢幕打錯我們的歌名,

我地去叫老師改,但老師話無得改,

之後發覺原來差唔多每班d歌名同螢幕的都唔同,

都唔知搞咩!- -"

到我地上台個陣,我feel到我隻腳超震,

但我又唔係驚喎,企黎企去都係到震,

之後落左台佢就唔震,

我諗係因為我地企得太逼啦!企到好辛苦,

所以隻腳先會震得咁厲害,

之後12班都唱晒後,頒布獎品,

結果係......我地連拎兩個獎呀!!

YO......*>V<*

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

之後籃球比賽,後備的我也去換褲,

但係打先的唔係我地女子,係男子先,

男仔係比3C男仔,開波個陣,其實我班男仔有D弱,

因為唔夠譚嘉俊高,又唔夠佢地傳波傳得大力,

所以輸左,但係都無乜野,

之後到女子,我地對3C女仔,

開場無耐,珊姐同彤彤竟然換我同歡姐落場,

但好彩我地最後以20比0贏了對方,

但係中三決賽個陣已經放左食飯,

但係我地中三午膳後唔使返黎,

所以決賽要後補,真係好麻煩!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

返左屋企之後,休息左3個鐘,

師姐打電話俾我,我問佢打唔打波,

佢話打,結果我又換返衫又返翻學,

不過打左唔夠一個鐘頭就無心機打,

因為得我地兩個,之後師兄AND師姐們玩捉唔知咩,

我又玩埋一份,本來我無輸過,

不過輸收尾,俾師兄捉左,

唉.....- -"

之後我放左把頭髮落黎,

出左廁所門紮返,但係紮左之後掉左,

仲要搵唔返條橡根,嬲到我爆,

師姐為左哄我,買返一包橡根俾我,

仲請我飲野,之後我地係我屋樓下傾左一陣就走了,

大概一般都是愛情的問題,

但我很無奈,因為我一點也幫不到佢,

因為我都無經過愛情,唔知愛情的真面目及感受,

我發覺自己真係一個好差的人,因為我總是佔師姐便宜,

要佢請飲野,所以師姐呀!

我唔會再叫你請我飲野,

因為你咁樣縱我,我會一直都咁做!!