今日本來係全方位學習日,

但係因為中七會考,

轉左下個禮拜三先係,

而且今日D堂轉晒星期三D堂,

唉...星期四明明全部都係D好上的堂,

搞到今日上中文堂,

簡直係就好似上左成四堂咁多,

我打左都唔知幾多個呵欠,

悶到爆,加上D課文又無聊,

講埋D人生哲理,講人淨係「空想」同「不動腦筋埋頭苦幹」,

但係講黎講去都係講人地D例子,

又唔講下自己有冇D例子喎,

咁同無講有乜分別呀?!

英文堂,頹左一堂,

第二堂調位,

調左係邊邊位呀!

不過同白羅白做前後同學,

好耐之前我地都係咁坐,

不過唔知點解,羅白真係唔好脾氣左,

變得唔好玩,搞到我都唔知搵咩話題同佢玩,

電腦堂,無啦啦測驗,

不過做得好快,都唔知係測驗定簡單地做返之前學D野!

普通話,都無乜好講!

之後個兩堂我地中三級去隔離IVE參觀!

-口-口-口-口-口-口-口-口-口-口-口-口-口-口-口-口-口-口-口-

我去到IVE嘩.........

真係超大呀!!成兩間我地學校咁大呀!

之後我地去左好多課室睇,

但係大部分都係人地上緊堂,

所以我覺得我地好似係到煩緊人,

之後聽返人地老師講解課程,

但係真係超悶,

之後鄧SIR走得人,係我地個邊先,

但我聽唔到佢話第一、二行走先,

我企左起身,俾阿SIR串左,- -"

好彩珊姐拉返我坐低,

唔該你...珊姐!

但係蘇..的說話我不能忍受,

佢點可以落井下石嫁!

我識錯佢...!