尋日半夜無啦啦醒左,

諗住會訓得返,點知諗返尋日睇個套"校墓處",

超驚,驚到訓唔返,

之後唔知過左幾耐先得返!

起身個陣,已經不斷打呵欠,

返到學,第一堂都已經不耐睡意,

狂係到打呵欠,好辛苦呀....

地理小測仲要唔識好多條,

死梗,今次肯定唔合格!

數學堂個陣唔知點解,

硬係覺得miss lam唔開心,可能又係我地d問題!

所以個個今堂都好乖,

唔搞爛gag,好乖咁聽書,

所以今堂過得好順利!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

午膳個陣,去左圖書館借book,

呃左羅白幫我借書,

但係佢係要串完我先肯幫我借囉!- -"

返左上去課室,去左男仔個到,

聽下有冇爛gag聽到,方便我普通話堂同司徙講野,

點知爛gag就聽唔到,聽到好多男仔係到串我,

第一個俾我打的是毛毛,佢總會說:「auntie,無食飯呀?!」

佢次次講完之後我都會打得佢好甘下...!!

第二個就係呂嘉豪,不過個陣miss lam入左黎,

我好驚會俾miss lam見到,

畢竟我都好驚老師鬧,

所以我暫停左我的動作,之後miss lam無講野就返左出去,

唔知佢有冇見到,之後我又同返毛毛玩,

雀屎個陣返左黎,佢無啦啦打我個後尾枕,

我咪打返佢囉,點知今日手腳軟下軟下,

唔夠佢打,個陣毛毛又笑我地,

我咪黎一個順水推舟,

一巴打落佢到,好笑的佢真係好痛!!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

放學個陣,霖學姐係課室門口等我,

問我打唔打波,所以我同jacky仔一齊同佢打波,

(jacky仔係蘇惠基..!!)

不過今日係試前一周,活動要收,

所以最後我地去左樂華小學附近打,

打之前,霖學姐請我地食野,

(我,樂樂,jacky and she)

四個人一齊食麵,

之後我地去打波,但係打左一陣,

大家都無心情打,

因為大風又熱又唔想走黎走去,

之後霖學姐去左廁所,

樂樂,我,jacky話想走,

但係諗住等埋學姐,

點知等左好耐佢都未返黎,

而且學長又黎埋,估唔到霖學姐佢真係叫左學長黎!

咁我地無可能要人地一場黎到,又叫人走嫁,

所以我地同學長打多陣波,

之後霖學姐返埋黎,我地一齊打,

跟住我無啦啦問學長:「學長,係咪學姐叫你黎呀?!」

但係佢答:「唔係呀!唔係你叫我黎嗎!?」

我個陣O左咀,我問學姐:「你冒充我呀?!」

佢答返我:「係呀!」

其實我真係唔知嬲好呀定笑好呀!

因為霖學姐冒我名義呃了學長...!!

唉....算啦!

但係之後,學姐總是把我和學長拉一起說,

我怕的並不是我會出醜,

我只怕學長會因為這樣而討厭我!

再之後阿婷黎埋黎,

時間愈來愈長,

之後好多次學長同學姐都有嗌架,

學姐嬲了,我想安慰佢,

但我唔識點安慰佢,

唔明學長和學姐點樣做先可以和好如初!?