今日中期測驗,

頭考英文,中史,經公,

英文,努力溫生字兩晚,

結果佢同我考得果一個,

激到我想喊,又想笑,

Grammer個part,

點解同老師平時同我地做個d都唔同,

一樣都係唔識,

死得啦,樣樣都唔識,

想合格仲難過我想死,

想入4E?!算了吧!

入唔到,唔緊要,放棄咪得囉!

點解偏偏我咁努力溫習,

老師們總係成日都暗我地,

我好攰啦!明明好想攞到高分,

但係點溫都俾老師佢地呃左,

好辛苦呀!點解我無預知能力,

一早知你唔考個D,

我就唔使日熬夜熬,

溫得咁辛苦,

所以我最憎英文,

但而家只可說:「一切都完了!」

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

完左英文測驗之後,

有個小息,彤彤話我做英文個份卷個陣,

就不時都拍檯,嘈到佢,

我同返佢講:「梗係啦,條條都唔識做,俾你都發火啦!」

再加上我係努力地溫左兩晚,

簡直係火上加油呀!

到測中史,好笑!

點解我寫好少野,

我隔離的彤彤和靖儀妹會寫到咁多野嫁?!

(測完個陣睇到的!)

我諗:「死啦!咁咪肥梗!哈哈,又死左科!」

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

測經公,無奈好多都唔知應該點寫,

但係總算識,之後測完,

蘇惠基話佢無做後面個到,

無左12分,我問佢點解前面做咁耐,

佢話是非題個PART好多野寫,

我又問佢係咪諗住讀文科,

佢話唔係,佢諗住讀理科,但自修經公,

我諗,理科都好多野讀啦!

仲諗住讀多科,貪自己唔夠多野做咩?!

但係佢話,諗住讀好經濟,

第時做商人,如果唔係就唔知做咩好,

仲話要讀埋大學,

我又諗,讀大學呀?!

我無諗過要讀大學,

雖然財政同我講過,讀大學都OKAY好玩,

但係始終都覺得讀大學,

我係無可能的,因為我無讀書的想法和天份,

好難會讀到去大學!

蘇惠基話我,唔讀大學你第時諗住做咩呀?!

我無答佢,因為唔知做咩先岩我,

大學張文憑,我諗我可能一生都無機會掂到!