星期六又係飯聚時間，真係好開心，原本諗住呢一日可以早d放工，點知都係..............唉
一做就做到5點，跟住返屋企拎d野就去搵力士，都好耐無同佢行街，我地去左花園街，原本想買牛記，
不過睇唔o岩，之后飲左碗雞骨草，我地係花園街來來回回來來回回都可以hea兩個幾鐘，真係超勁！
之后仲食左串魚旦，仲飲左杯C3，係聯合買左件TEE，一人一件！耐無買野，見野就想買！但其實好窮！
呢兩個幾鐘洗左唔少錢呢，走之前仲買左支洗鞋既野，都成50蚊GA，見個哥哥講到氣都無咁滯，不過其實之前係大埔見過有，
個時已經想買，但又拎住好多野所以無買，到今日先再有機會見到，所以扑到去買呢！
之后就去左JOIN大家預備我地既晚餐，等等等等，等到9點半宵夜時段，真係好，因為實太超平呀！同埋最開心既就係個杯飲品！
一舊好靚既CREAM係上面，所以飲得特別開心，每一次都不停叫野食，一個RUN再第二個RUN！哈哈！
呢一晚真係好感動呢，我知大家都關心我，佢地預備左D好特別既野俾我，裏面寫左大家對我既支持同鼓勵，手上既呢本期票
快既會係4月29日對現，慢既就一年后先對現！
|
