3月3日豪

今日好豪咁同d舊同事返大陸玩，點解係豪出黎，因為我放棄左我既工作，放棄左ot既時間！但過兩日就要見客！都唔知點死！

同d舊同事返大陸玩，最近呢兩年呢個時候都會上去，去間廠個老闆屋企玩，一大班人熱熱鬧鬧！

放左工就返舊公司會合佢地，坐的士去九龍塘既沙巴站，再坐一個鐘巴士到皇崗！

跟住就見到主人家啦！佢地真係好好客ga，又客氣！每次上去主人家都會預備定兩箱紅酒，山竹！

唔知點解上面d山竹比香港個d特別好食，好甜，好大個，無ant！上次買左成羅咁食，不過今次個d太靚！

主人家屋企面向海，樓下有條長廊，仲有一首艦艇！個view真係好正ga，間屋有成千幾二千尺！爽呀！

我地係海旁影左幾張相，係主人家屋企樓下又影，同個男同事影相個時，佢突然間谷胸，搞到我忍唔住笑！

上到佢，有個BB係度，佢兩隻眼好大ga，不過佢因為病所以無咩點笑過！好耐都無抱過bb啦，佢好重呀！

主人家屋企仲有部超級大電視！

玩下玩下，好快又到食飯時間，不過食飯之前去左另外兩個家庭參觀下間屋，真係好靚！仲睇到好靚既月光！

仲係佢屋企放煙火，真係好玩之餘又驚！最估唔到既人，有個男仔驚到企係我后面呀，你真係無鬼用！

之后就食晚飯，一間食四川野既食店！真係窩窩都紅紅紅！勁！