2月20日rgc盤菜+詩歌+分享會

呢一日的下午我留在家中陪爸爸媽媽！差不多待姐姐下班我便進會長家開始呢個活動！

其實真係好開心，呢一個咁特別既家係上帝賜俾我！呢份恩典實實在在的擺在我面前！

去到會長樓下，就打俾佢地問有無野買，我都估到佢地都係要個兩樣野，因為係佢地既強項，就係薯片同汽水！

佢地可以係好短時間消滅所有既野，所以佢地中午買個轉野好快就無晒，我就補貨俾佢地！

上到去就安排開餐，煲水，煲番熱d soup，煑面！半個鐘后就開動，呢個盤菜就真係無咩料，係一位弟兄介紹，

見佢平平地就試下，點知呢，就真係麻麻地啦！肉太多，無菜咁滯！食晒咁滯之后見到盤下面既全部都係油油油！

真係勁！呢餐開年飯大家都食得好開心，好開心，我好似放監咁，因為我真係好耐無同咁大班人一齊！好多謝你地！

食完飯，我地又好快咁食湯圓慶團圓，雖然今晚唔齊人，不過無黎個d就在心中！轉個頭我地就清左兩包湯圓！

不過未食之前大家都係度叫'飽'....hahahahahah

之后就開始我地既詩歌分享會，我係最后一個分享，我講左三樣野：

1. 更係詩歌分享啦，其實我就無預備，咁係佢地啲資料入面呢就搵到一首曾幾何時係少年團既時候，一個合小家庭歌唱比賽入面，

獻唱而又得第一既歌仔，就係'全因為你'！哈哈哈！好唔知羞！............

2. 就係爸爸入院既事！

3. 就係我xxxx既事，佢地聽完之后既回應，嗯........點講好呢？有位弟兄第一句說話係'你以家先諗呢樣野'，

原來佢地好多個都已經過左呢個階段，係我比佢地遲，諗起都想笑！！！係好在事情上我都比人行得快，但原來係呢方面既事情上

我就比人行得超慢！.......我知道啦，有你地既支持，我相信我好快就過到！見你地都唔太擔心，同有你地既分享，我真係好感動！

但我一班既cell員可能唔會明白！但你地個個都明白以及已經經歷過！多謝你地！