hehe .....今日好開心呢！因為約左位好好好朋友，所以今日臨時請假！

一朝早就買左個美心早餐返去舊公司度食，跟住qc又叫左個早餐同我撑枱腳呢！haha！

今日入到去show room，嘩一聲，點解.....~~~因為見到好多導具呀，佢地今晚春茗，要表演！

有張"CORDO吧"水吧枱，人客企枱，12頂金色既帽同12對有金粉既手套，仲有用卡紙做既酒杯同酒𥖁！

不過我見佢地D假酒杯酒𥖁唔係咁掂就出手整左兩三個！......跟住就睇左佢地尋日綵排既VIDEO，好好笑GA！佢地要跳舞！

玩完一個朝日就去會靚女啦，今日約左佢去見靚仔！不過佢見到之后，話都唔係好靚仔，太HURT我呢，我勁鐘意佢GA！

之后就開始我地既地獄式訓練！玩左一個鐘后就睇左陣雜誌，再玩半個鐘再睇雜誌，再玩一陣，就走！

唔知係咪因為今日無咩人同埋佢未攰既因素，佢走埋黎講好多野...嗯...唔知點形容！

之后就去BOOK房唱K，入房前去左"南豐"食TEA，因為好肚餓啦！都好抵食呀！食左叉燒米，焗豆火腿餐飽同HOT華田$22-

之后就返去唱K，由4點半開始唱，點知一睇時間已經6點，但我地一杯野都未叫黎飲！

即刻ORDER，過左陣有人入黎話last order！咁我地唯有叫兩支水拎走啦！今日其實有d唱得唔夠喉，不過我差不多唱到無聲出！

因為入到房之后就連續唱，首首都唱，無停過咁多！勁呀！

之后再出去旺角搵資料，再到波鞋街買鞋，今日勁開心，因為我終於買到新鞋啦，我由新年前開始搵，到今日就...搵到啦啦啦啦！

之后去左龜井食鐵板燒呀，但個師傅唔係咁掂，整d野食唔太野味，有d失望！我真係好想試下食一次有質數既鐵板燒呀！

係咪見到都唔想食，除左個炒飯係ok啲，其他都no ok！

有收穫非常盡興的一天！謝謝你呀！真的超爽！