8月12~13日cell camp

星期中還在害怕會打風，但天氣變得非常快，估不到這兩天都這麼好天氣，真的感謝主！

星期六放假不過晨咁早就出到去尖咀返舊公司食早餐，原本約左cardy點知佢做緊jim！所以自己一個買左份麥記早餐慢慢歎！

一個早上時間真係過得好快，hea下hea下同佢地吹下水，10點幾收到你電話，無諗過你會打黎，當你每一次問去唔去好，我都唔想答你，因為我害怕聽到唔想聽既答案，所以我選擇唔答！因為我知道就算我點講，你都有自己既決定，11點幾就上路。我未起程你已經到左！

哈哈！約左11點9係中環mtr station等，點知係我遲到，yeah~~~!!!

急急腳就去搭船，好舒服，好鐘意搭船，慢慢的，涼風飄，很寫意的一程船！雖然不停咁被人騷擾，但都無所謂！

船到后就買野，跟住就搭車去攞屋！雖然間屋無view可然，不過都算係咁！無時間限制，無野要煩，無野要諗，只係等都已經好好！

人齊后就開始靈修，雖然係好短的半小時，但我可能太眼訓只是空白一片，什麼也想不到，只見到身邊有好多行過，一班又一班正在去取屋的年輕人！靈修之后，就落左沙灘行一陣，好靚真係好靚，其實呢度都好舒服，想同你影張相，但我都無主動同你影，好像怪怪的！有兩個靚仔外國人係度玩滑版，kawing埋去同佢地一齊玩仲影左張相tim！見到佢地個個都玩得開心我都開心，不過就開始眼訓，但當中有一個人心事從從，唉......其實唔講我都知，但我係唔知點解同佢溝通jei！我都唔知可以點，自己溝通能力有限。都唔知點樣幫佢！

返去bbq啦！b足4個鐘，勁呀！唔知點解今晚d火特別勁，好似煙花咁周圍飛，彈到個個都叫痛呀~~哈哈！d汔水又雪到好似沙冰咁，好好飲呀！kawing諗住拒個電視出露台，點知一個不小心成部電視跌左落地呀！初時都無咩野，點知睇睇下focus唔到啦！不過最緊張既港姐冠亞季軍都可以趕得切睇埋！

大家沖完涼之后，係零晨既2點鐘開cell仲要係聖經問題比賽，死未，個個都得番半條命，但我卻沒有放過佢地！大家都乖乖咁開cell！多謝你地既支持！原本諗住半小時既聚會，就變成個半鐘，哈哈！係我控制時間上唔太好，所以先搞到咁夜，真係好對不起呀！不過見到你地個個都好投入，我都好感恩，係咁既時候仲咁落力！除左momo！

開完cell后，原本好眼訓既家歡都已經醒晒！哈哈！但對我黎講呢個時間訓就差不多！所以好快我都訓著左。不過晨咁早又要起身預備趕車搭船返崇拜！大家只不過係訓左兩三小時，勁呀！之後仲歎左個麥記早餐，正呀！

今日崇拜係祥仔獻詩，今日d歌好似唔太o岩佢唱，無一首唱得好聽或者係佢唱時無感情投入唔到！個女獻詩反而唱得好好。

崇拜完左大家晒band，我都返屋企一睡不起！不過真係好好訓，好少可以係中午時段訓覺，感覺真係一留呀！

呢兩日對住你忽冷忽熱的態度，我真係無所適從！不過你肯黎，我都好開心了！

我相信這小組是有盼望，但時機未成熟吧！多謝你地每一個係我身邊陪著我。無了你們我就沒有歡樂！Thank you GOD!