8月16日樓上樓

呢天有位舊同事生日，去左尖咀樓上樓打邊爐，一去到就俾人串，因為收工遲左，所以遲到。之后點菜，但兩個湯底已經係面前滾下滾下。等左好耐先有野俾我拾。

佢地真係唔貴唔叫一個湯底成3,4百蚊，其他野就打媽上！每一次同佢地食飯，只要有亞傑係度，我地一定會俾佢地拎黎玩，佢地話我同佢好似，有野食就唔出聲，哈哈，但係佢真係好怕羞，講野又細聲，個樣同外型都ok既！佢地不知幾落力去互相sale我地，真係好搞笑，佢又唔出聲尷尷尬尬咁，只係識笑，迫住我要做d野大家先開心！不過除左我地兩個每個人都會有機會俾人擺上台，睇下個晚邊個唔好彩！今晚d野食都算一般，又唔係話好好食，有骨氣d野仲好食，不過成晚最好食就係甜品”心太軟”真係好好味！我都係第一次食！

最后今晚呢餐你估要幾多錢落樓，成4200蚊呀，太貴啦…….每人要414，天呀!好貴的一餐，唱k都唔使咁貴呀！我唔會再去呢間野，又唔係好特別又貴喎....！