再一次負理子

今晚去左一間有史以黎最好既一間salon，本想準時收工，但有特發事件就遲左少少，急急腳就同同事走了！

6點半book左一位叫ming既理髮師，入到門口，見佢一身打扮與髮型都ok！呢間野有賣點，佢地洗頭並不是用人手，有部機可以幫客人洗頭，初時都ok既，嘈左d，跟住我就覺得好唔舒服，唔慣掛！我就唔太鐘意呢部洗頭機。

由6點半坐到10點幾，ming佢好好，又俾水我地飲，佢好細心咁幫我搞個頭，一手一腳由頭到尾都佢自己一個包辦！佢好溫柔，講野唔粗魯，係一個幾吸引人既男子，不過佢食煙就打左d折！成晚都好開心，又問餓唔餓，使唔使食野，去toilet就出聲！細心講解我既頭髮，應該點打理之后，仲送左支sample俾我用tim！

今晚呢個頭我都算滿意既，只不過其實想有d特別d既效果！最后落樓价650蚊，都算好好，之前係第二間俾成千蚊都唔知搞過d咩出黎！

我一定會再去呢間salon度見多佢幾面....呵呵呵