今朝起床都很冷呀！最近返工前都會去買一杯熱鴦返公司飲，已無飲呢d野都一段幾長時間，之前每天既早餐都係麥方包兩塊加杯豆漿！但因為有次行過間舖頭見到以前大排檔feel既奶茶咖啡，忍唔住第二日就黎試下好唔好飲，點知好重糖味，問佢有無煉奶，答案係無！除左呢樣杯鴦都可以既5蚊。因為近排要開ot所以開始習慣每天飲一杯，因為我本身幾鐘意飲coffee！真係好想走去好舊個d茶室嘆番杯真正既鴦！

今天個病情無嚴重到亦無好到，只好繼續食特強，如果睇醫生食個d藥就咩都做唔到，見完客，佢d野做左一個星期，以家先算搞掂左！陸續有黎呀！要忙到新年前！我發現左一樣野，呢兩日都食左特強傷風感冒藥不使人昏睡，搞到我連夜晚都訓唔著，平時上床5分鐘內一定訓著，呢兩day呢就因為食左佢所以成1個鐘先入睡，真係咪講笑！堅呀！個鼻又塞，把聲又爛，成日包雲吞！我要快d好番，仲有好多野等緊我去做ga！每天已不停飲水排水。我諗要加多少少維他命c既野！先會快d好！

今晚阿旺大結局呀，唔知你地有無睇呢，個結局都做得幾好，並無求求其其！

今晚仲睇左一個小綜既節目，播住葉子首歌，好感動！還記得第一次係neway睇呢個mtv，睇下哭了！真係好感動，唔知有無嚇親隔離那個你呢！之后都有睇一, 兩次我都有眼濕濕！真係拍得好好！