荒失失奇兵

今日唔洗返學又冇出街玩!0係屋企訓覺玩電腦,,,都幾enjoy !之後同家姐下午茶,食左個雞翼+薯條!雖然我依家仲爛緊咀,但仍然照食可也!黎一招以毒攻毒!哈哈哈...之後繼續玩電腦,同包包玩左陣MSN,,,,好低能呀!!

今日係阿姨生日呀!夜晚出左去青衣城稻香打邊爐,,有d厭!我覺得冬天打邊爐會有feel d!家姐出左糧呀,我0係屈人寺買左支染髮劑+潔面霜,跟住0係body shop買左兩支茶樹油防暗瘡棒!我呢排額頭勁多暗瘡呀!==咁就用左佢兩舊幾水,多謝哂!!

 [ 訪客留言(1) ] [ 編輯日誌 ] [ 分享至FACEBOOK ]

今日返學校睇扮野比賽!男扮女果d好激囉扮到,,扮嗲又著哂低胸衫!佩服佢地,,,要我扮成咁我一定唔制!跟住女扮男就悶d囉,,,都幾無聊!!之後又有d扮動物同短劇!最好睇都係短劇,4個社既短劇都OK!最好睇係MJ既最後審判,好正呀佢跳舞!個法官又幾好笑...哈哈!!

放學0係新港城搵地方食野,行左好耐都諗唔到去邊食好!好煩,,,睇下張貼紙相都唔得!?要死哎爛哎,,,有寶嗎?我至唔做==之後我都係返屋企算...無錢食呀!返屋企開冷氣訓覺!夜晚睇電視,《奪命真夫》好好睇呀!亞視既《危險人物》都好好睇!

 [ 訪客留言(0) ] [ 編輯日誌 ] [ 分享至FACEBOOK ]

  今日終於完成左鯊魚既遺願 - 去海洋睪丸!

今日非常炎熱!十點就去到金鐘喇!同鯊魚,仲有佢個FD搭巴士去到OP...死毛毛遲大到囉!我地三個勁等佢! 條友黎到,,但佢0係正門,我地0係後門落左車!咁唯有叫佢自己搭纜車過黎啦!我地就去玩住先,,,今日唔係假日,但都好多tourists黎玩!最多係d大陸既同胞!見到佢地周圍吐痰!==

之後毛毛黎左!佢個身無啦啦有隻昆蟲!佢好驚囉... 好激動咁周圍fing!但又fing唔甩隻野!我都好驚,,,我叫佢唔好行埋黎!fing左好耐先fing得甩!我地排隊玩滑浪飛船,,, 我坐船頭!頂!唔知邊個0係度潑水,我唔忿氣我又潑後面!結果未速落去都己經濕哂!好似F.2果次咁,,個個都濕哂身!無奈!!我今日仲要著白色衫,,若隱若現咁露點!==''

我地濕住身滴住水咁繼續玩機動遊戲!玩跳樓機上到去勁驚,,,因為我坐個位係對住個海!淆哂底呀即時!喪嗌 !之後玩過山車,勁痛!係咁撞個頭!撞到暈暈地!其他果d遊戲都唔係太驚,,,之後去食野!好貴呀!$39半隻燒雞+薯條+伴菜...仲冇野飲!一杯中可樂要成$16!我地好似d原始人咁帶手套撕隻雞黎食,,都幾好味!之後繼續我地既旅程喇...^^

之後去海洋館睇d魚!好多魚呀,,,跟住又睇鯊魚!行到咁攰呀!之後鯊魚叫玩多次滑浪飛船,,想濕多次!岩岩d衫先乾又想濕多次!咩心理!?==又要人再坐船頭囉!個死毛毛又潑水囉!我又死潑爛潑d水去後面!最後個個又係勁濕!!!落船果陣發覺我袋濕哂!流哂水,,,我電話同相機都入哂水! Shit!!壞哂,,,無奈囉!都話唔玩架啦,死鯊魚又要玩!bad guy!你內疚一世啦!無奈左一陣又繼續行!勁攰!睇埋個動感影院就搭車走喇...==

返到屋企,攰到散哂!同阿媽講我電話比水浸死左!好彩冇鬧我啫!但我依家冇電話用囉,,,都唔知等到幾時先有 !我唔敢同佢地講我連相機都整壞埋!部相機仲供緊架............=0="仲發覺我塊面&手臂都黑哂!但個身又白...怪都爆!

 [ 訪客留言(0) ] [ 編輯日誌 ] [ 分享至FACEBOOK ]

今日返學校勁無聊...返去都唔知做乜架!哂我車費!0係度玩波子棋同層層壘,,,周圍hea! 之後睇人打羽毛球,黎sir好低能呀!好艱辛先等到放學!放學同阿餅阿芝去左唱K,,,我勁唔想去囉其實!尋日先唱完!身上又得番十蚊雞,仲要人去唱K!不過算啦!下次我一定會refuse...去到先知係Happy Hours,,,what the fuck!!唱左3個幾鐘$76!佢地幫我出住先,,,唉!!! 我唔想再亂洗錢喇!

 [ 訪客留言(0) ] [ 編輯日誌 ] [ 分享至FACEBOOK ]