今日本黎好好心情架....一直都過得好好...但係早15分鐘前...我居然喊左...

梁顥熹..我同你講...你岩岩講果句說話...我一定會記住...我一世都會記得...!!

我同我細佬已經唔係第一次嘈...就算次次嘈到我有喊...就算同佢打交...我無一次會好似而家呢一刻咁憎佢...

就算佢侮辱我,鬧我乜野我都由佢喇...但係今次唔同....至於佢講左句乜野,我真係唔想提....

我諗無人可以了解我呢一刻既心情....唉.....

本黎我真係覺得一個人係唔應該為d咁小事而喊...

但原來...有時其他人睇,覺得係小事...但真正經歷呢件事既人果陣既心情,旁觀者真係理解唔到架!!

我有時都幾憎自己...成日話努力努力...點知努努下就懶到死,唔知去做左d乜野...但我個目標一直都無變過,

我目標係想自己家人過得好!

而家...我真係覺得我自己已經管教唔到我細佬,我真係好希望我自己可以教好我細細佬..

岩岩我拉左細細佬入房同佢傾番我自己平時點解會話佢,到底為左d乜..

我逐樣逐樣野都講左俾佢知.....果陣我都唔知點解d眼淚咁唔受控制...一路講一路喊.....

佢好乖,佢有係度聽晒我講既野...我知道佢唔係左耳入右耳出果d人黎,講真,我真係安慰架喇...!

我記得,我同媚媚講過,其實因為我係細細佬bb仔果陣,我負責湊佢,果陣開始,我已經將佢當左係我個仔,

可能係咁,我真係覺得,如果我而家唔教好我細細佬,我對將來教好我d仔女,我都無乜信心...

好彩...細細佬真係俾左好多欣慰俾我...佢令到我覺得...我真係有做媽媽既天分!

多謝你呀...顥華....無論點,我都唔會放棄你!!!!!!!!

至於梁顥熹...好多時候...唔係我唔去教佢,而係佢根本就唔會聽我話....

我話我好憎佢....我諗都係口是心非吧....始終佢都係我細佬..我真係唔想佢衰..

但願佢真係好似表姐咁講,諗野好成熟吧!!