今日4點幾起身，去睇183!
好似好誇張咁，不過依家諗番係值得既!!

5點出門口，出面勁黑，搞到我心都有D慌，
一路同楓傾電話，一路去巴士站。
都算好順利，5點幾去到，落勁大雨囉，我鞋襪都濕晒。
9點先派籌，但前一日8點半已經可以排隊喇。
我同楓係G區頭，原來係好中間既位置，GD!!!

拎到籌之後，去麥當勞食個早餐加午餐，
之後又去冒險樂園冒險XD 我算幾好運架，中到五十張飛。

楓又癮起，拎YES CARD!!
唔記得幾時啦，我就受到楓既唆擺，終於買左183同名專輯。
跟住再去麥當勞買左DD野食，就排隊準備入場。
等待既野就此省略，唔太重要既。

大約三點三，183終於到喇!!!>3<
嘩，隱約睇到D咋，雖然我地都算前，但D人又舉牌，
我偶爾先睇到咋，混亂間，我諗我地都迫前左D。
又唱下歌咁啦，完美情人同甜蜜約定。
唱完美情人既時候，有跳舞既，D FANS好HIGH，
包括我都係，但我同楓好似已經分隔開喇。
甜蜜約家，哈哈哈，SWEET爆啦!!!
以我既經驗黎睇，佢地應該係唱LIVE既，
玉榮唱得勁勁勁勁勁勁爆好聽呀!!!

之後FANS梗係唔夠喉架啦，我地叫ENCORE，
佢地就唱I'M SO HOT，新碟既歌。
好HIGH，佢地跳到一半，除左件外套，仲扯爛埋件背心添，
FANS尖叫，包括我XD 之後佢地就入去換衫。

跟住既環節就係真愛戒指抽獎。
咦，佢地勁正囉，183幫佢地戴之外，
又可以同佢地講幾句野，又有得擁抱><
不過我地睇得好羨慕既同時，都有尖叫的。

其實我有D懷疑自己撈亂左D先後次序，不過唔緊要啦XD
佢地俾傳媒訪問完之後，就到簽名時間!!!!!
紅黃藍白，之後唔知，我地係白，算係咁啦。
一區大約有200人，佢地差唔多兩個字就簽完一區，勁快手@@
起初果D有得握手呀>< 到到我地區都冇得握嚕T^T
原楚可以俾信佢地架，不過算啦>/\<
到到我地既時候，我好興奮，又有D緊張喎。
上到台，見到佢地，個感覺好震撼，
紹偉、玉榮同明道都好靚仔呀!!
紹偉幫我簽先，我覺得好似冇咩望我，其實我唔記得左喇。
之後到玉榮簽喇，我見到佢有對楓笑，咁我就一直望住佢，
佢簽完，就望住我對我笑喇，俾佢電暈啦XDD
JACKY就冇望我，跟住就到明道喇!!
佢好似好專心咁簽，簽完之後佢望住我，講左句謝謝。

嘩嘩嘩，真係爆開心。
搭車返屋企途中，我不停望住隻CD，諗番起玉榮同紹偉…
真係好靚仔有型呀!! >3< 我覺得佢地都係好人^^"
台上既時間過得太快喇，一分鐘都冇，但都好開心呀。

琴日既日記打唔落手喇..

今朝, 估唔到我1點先起身, 冇睇到青出於藍><
唔緊要, 我算喇, 跟住子淇打黎叫我一齊出去食野..
佢地食完, 我先到, 之後佢地陪我去麥當勞食,
我買豬柳漢堡餐, 子淇買左個甚麼芭菲, 莊k就撇左嚕
食食下, 子淇提議去蝴蝶灣。

踢浪同玩沙, 果度多左兩條河(!?)
哈哈哈, 我同子淇起左個堤壩, 但未引到水入黎就走左喇..
不過都有影左相, 我都影左幅, 都幾靚架我覺得XD
跟住就洗腳, 就走喇。
搭LRT走, 車廂中好似淨係得我同子淇傾計(爆)
講下愛情, 將來, 又扯開下話題咁啦XD
原來我係退化左架!! XDD

睇完今集神鵰俠侶, 我突然覺得戰爭真係好可怕。
郭靖真係一位好好人既大俠, 好佩服佢!
馮默風咁就犧牲左喇, 我覺得好慘呀!!!!!!><

死亡筆記, 電影啊.. 期待!!!