HAHA，有ANIMAX真好，可以睇咁多卡通片。XD

今日我終於睇左頭2集植木的法則嚕！
我覺得好好睇呀，同埋我好鍾意植木耕助，佢係我鍾意既類型XD
睇果一個鐘，好似好長咁，但我覺得過得好快呀...
好想快D到下星期日，又睇呀。

星期6做蜂蜜與四葉草，總共我都睇左四集，
但呢四集我都唔係好專心咁睇，搞到我覺得唔係好好睇，
不過我睇大綱係好好睇啵XD 我鍾意森田忍多D

型仔湊女記真係好睇，我又好鍾意結平哥哥呀XDD
柚由都好可愛!! 日文真係好好聽^^"

百變小櫻又睇番，我都係好鍾意雪兔哥哥同月，桃矢都唔錯。
小狼面紅好可愛呀>3< 不過我覺得蘊含黑暗力量既鎖匙，
靚過星之力量果條姐XDD 月又COOL又有型，雪兔哥哥又溫柔又靚仔XD

我又講下網球王子啦，如果依家ANIMAX有得播就好喇。
好想聽佢地講日文把聲係點，有線同亞視都冇麗音..
不過依家亞視4點半重播第一輯，有線6點半播最新一輯，
我一日起碼可以睇兩次，但我朝早8點半會起身睇電視，
有線播網王，換言之我一日睇3次網王XDD

9點我睇新聞，搭半睇型仔湊女記，10點又睇新聞，
搭半睇無線多啦A夢，11點轉返ANIMAX睇魔法小美穗，
之後就係小櫻，咁跟住就再睇無線青出於藍。

今日係人生中特別既一日，第一次一日內睇兩套電影。XD
一場9點8開，一場就11點8開，時間岩岩好的。

第一套係戀愛初歌，由KARY、側田同方力申主演，幾好睇既。
如果五粒星滿分，我會比四粒既，不過我覺得結局唔夠完美，
KARY最後同側田一齊，係意料中事，但我都好支持方力申呢個角色，
子淇話方力申咸濕，不過我都冇咩特別感覺XD
好睇就幾好睇，但成日都播歌出黎，不過都好好聽!!

最重要就第二套，DEATH NOTE 死亡筆記!!
我覺得勁勁勁好睇，D人都做得幾好。我比5粒星^^
「L，捉不到我吧！」「夜神月，殺不到我嗎？」
呢兩句野，我覺得好有FEEL。XD 雖然子淇覺得呢2句好無聊。
L出左好少場咋，不過下集會出好多架喇。

其實，起初夜神月好有正義感丫，只係法律制裁唔到一D衰人，
佢覺得好無力，所以先會用死亡筆記殺人。
原意都係想殺死D罪犯，同被判無罪既兇手姐。
雖然佢都殺左D無辜既人，但我都係覺得佢仲係有正義感架。
漫畫裡面，我鍾意L多D，但電影，我鍾意夜神月多D。

不過，L的確做得好似，同埋好可愛。>3<