我呢份人，算係受軟唔受硬，亦可以話受硬既。
要我幫你做野，你用硬既我未必幫你囉。
你就算用D懶係有力既理由黎要求我做，我會做都唔係心甘心願。
而且，我好憎咁樣，亦好憎D咁既人
我鍾意用軟既，一黎我容易拒絕，如果我唔想做既話。
二黎，我覺得咁樣舒服D囉。
如果我今次冇幫到你，其實我可能會覺得有D內疚，下次會幫返你囉。
我覺得其實抄功課係唔岩既，雖然我都照做…
但更冇理由連抄都要假手於人囉。
你識同我講NO EXCUSE，我都可以咁同你講返架!!
有D咩要人幫手，亦都唔應該拖到最後一刻先叫人臨急做。
或者唔應該用叫呢個動詞，用迫就差唔多。
我最憎人迫我囉。
其實，我依家已經覺得做好人係冇用架喇。
你好人咪俾人叫做呢樣做果樣囉，而佢地又唔會感激你既，
反而遲D會你叫做更多野添。
又例如搞D BBQ之類既活動啦，都要有人出住錢買野食先架嘛。
到最後，又可能會俾人拖住，搞到又冇錢。
再舉多個例，D人會叫你幫佢PRINT野，一定會係一次又一次架，
以前我會幫既，雖然覺得好晒墨，有D心不甘，情不願。
依家？我唔會架喇，最多咪話冇墨，壞左之類。
主要睇PRINT出黎會唔會晒好多墨。
我叫人幫我PRINT D 彩色野，我都覺得勁唔好意思囉。
好彩依家PRINTER整返掂，唔洗要人幫。
做好人只會蝕底。
所以，我依家已經開始變得自私左架喇。
其實唔係我想變，係我身邊既人同環境迫住我變。
我唔想幫人，亦唔想要人幫。
但現實D講啦，我點都會有不得不要人幫既時候，
有時候真係想有D人會心甘情願主動口係我最最最需要幫手既時候扶我一把。
發左OK多牢騷，有D野亦係我以前想講既，依家講埋都好既。
好似有D顯得我好憤世嫉俗咁，不過我都覺得自己有D。
順帶一提，我都好憎一D唔熟既人口係我同其他人講野既時間插嘴講野黎話我囉。
熟既我覺得冇野，唔熟既我只覺得D人好冇禮貌。
其實我好幼稚，有D衝動想做D報復，如果果個人ADD我打電話俾我，我都特登唔應。HAHA | 
