尋日唔覺意上左自己好耐以前個日記道睇,

睇返以前0既自己, 真係發覺自己變左好多~

係以前太天真丫,  定係而家個人變得假左, 虛偽左....

大話多了......    人都已經變得唔再老實

不過......  人生就係咁架啦

而且講假....   似乎我0既道行仲未夠高.....

做野有時比人 " 做 " 都唔知~~

原來廚房.....  都已經唔再係一個簡單快樂0既空間

人人戴住面具做人~~

好心0既....  會教精你, 提點你幾句

人渣d 0既~   咪背後做下你,  借你上位囉

再見喇, 從前0既我.......

我諗......    我地只有0係飲得好醉0既時候,..   先有機會見面喇 ^^

過左輕鬆0既一日~
唔使魚湯, 唔使湯丸......   真係多左好多好多時間!!
咁我就有time 做埋d preparation 0既工作喇~
哩d 日子都唔知過可以過幾耐0既0者......
算啦, 我唔可以再咁樣安於逸樂架喇~~
真係要比d 心機, 迫自己積極d 先得!!

放工之後, 同霆師傅去左打 "末日"
咁又升多一個 level~
原本諗住返home 0既, 但阿龍打黎問我去唔去食消夜
見禁耐冇見, 咪出去同馬會d 同事吹吹水囉~~
大家係咁講之前讀書d 野, 又講出餐d野
真係好鬼多趣事, 同d 同學之間0既是是非非~
佢兩條友真係笑鬼死我~   係咁講d 低能野~
之後由於太眼訓, 都係快d 返屋企 =.="
聽日仲要返工~~  唉....  又係辛勞0既一日^^"

尋晚同vincent, 豬仔飲酒,  好耐冇試過同好友出黎敍下, 飲下野喇^^
大家傾下而家0既工作近況呀...
豬仔0係半島就唔使講啦, 日日比人"小" 咩咁~
而vincent 就似乎做fo 做得唔錯, 佢做野禁得, 升就遲早0既事啦~~
果晚真係好開心, 但似乎飲得過左龍.....
飲到劏添~~   今日個頭都仲有d 實實地添^^"
其實我都唔係飲左好多0者...   可能飲得急掛~
好在今日都仲知醒^^"

我約左肥仔同霆師傅今日去打機~
同佢地打左一陣, 唔得......   超肚餓>.<"
鬼咩~~  尋晚又嘔返哂d 野出黎, 今日lunch 果陣又冇胃口食野.....
結果出到去打機打到  5點幾 都未有野落過肚仔呀....
咪即刻同肥仔去茶記食返個 常餐 先~~
有d 野落個胃道~  真係好似冇今朝咁超多胃氣>.<"
之後就落左銅鑼灣買飛睇戲
戰狼300......   超正!!
我覺得係男人都會鐘意睇~!   d 效果佢真係拍得好正呀~~
睇完之後, 我同肥仔就去左飲日本野^^
間野任食, 我地係咁叫...  係咁叫.......  係咁叫~~~~~~
食到肚滿腸肥呀~   不過d 野就係唔太0岩我食......
不過都真係ok 0既~
果間野叫 "一生"任食日本料理
大家可以去試下丫^^

今日收工果陣, 老細叫我留低, 等佢一陣......

果陣我真係有d 驚....  事關佢哩排請緊人...

真係好驚佢係搵人黎頂我

後尾先知......   原來佢係話要加我人工...

聽到加人工...  有d 驚訝, 但似乎冇咩開心0既感覺....

自己表現都唔係話好好......   受之有愧啦...

只想做得再好d, 令人對我改觀....

但只怕而家0既我.....  已經係極限喇.....

又過左3個月喇~~

我都似乎上左手喇......

不過仲係好似有d 不滿我哩樣, 不滿我果樣咁
(但又唔見佢黎幫手啵~)

就黎轉新鋪喇, 唔知會唔會請多個人呢~??

似乎就唔會喇......   人手仲係咁, 但客就應該會多一倍

我都唔知點死~~    都係唯有盡做啦......

都係同一個問題....   到底哩個係咪一個值得我長留0既地方呢.....

成日有人單單打打咁, 一個fd 都冇......

唉......  如果阿霆都過埋黎一齊做就好喇^^"

起碼捱都捱得開心d 丫

做飲食......    應驗左媽媽講0既野

真係一d 時間都冇~~   同朋友0既關係都似乎愈黎愈疏喇

一個月都未必見到一次,   朋友話我冇心肝......   只有無奈接受....

冇辦法啦~  臨時要返工, 自己約人都要改期......  

一日推一日咁. 自己都覺得一d 誠意都冇呀......

我應該要快d 有所覺悟丫.....   定係盡早轉行好過呢~~~??